Qazaqstan Respýblikasynyń Táýelsizdik kúni qarsańynda Túrkistan oblysy Tólebi aýdany, Zaǵambar eldi mekeniniń turǵyndaryna taza aýyz sý berildi, dep habarlaidy "Ult aqparat" óńir basshysynyń baspasóz qyzmetine silteme jasap.
«Eldi mekenderdi sýmen jabdyqtaý jáne sý burý júielerin damytý» memlekettik baǵdarlamasy aiasynda Tólebi aýdany Birinshi Mamyr aýyldyq okrýgine qarasty Zaǵambar eldi mekeniniń 4800 astam turǵyny sapaly aýyz sýmen qamtyldy.
Aýyz sýdy taratý nysanynyń saltanaty ashylý rásimine aýdan ákimi Baýyrjan Baqytuly Omarbekov jáne aýdandyq máslihattyń hatshysy Nurlan Hamzauly Qoibaǵarov jáne de aýyl turǵyndary qatysty.
«Táýelsizdik kúni qarsańynda Zaǵambar eldi mekeniniń turǵyndary sapaly aýyz sý tutynatyn boldy. Eldiń igiligi úshin salynyp jatqan nysandardyń barlyǵy da eldiń jaǵdaiyn kóterý, turmysyn túzeý el egemendiginiń arqasynda júzege asyp jatyr», – dedi aýdan basshysy Baýyrjan Omarbekov.
Aita ketsek, kurylystyń smetalyq quny: 444,139 mln teńge. Merdiger mekeme: «Monolit-Dizain-2030» JShS.
Tapsyrys berýshi: «Tólebi aýdandyq turǵyn úi-kommýnaldyq sharýashylyq, jolaýshylar kóligi jáne avtomobil joldary bólimi» memlekettik mekemesi.
