Aýyldardy joǵary jyldamdyqty internetpen qamtamasyz etý aiasynda Tsifrlyq damý, innovatsiialar jáne aeroǵarysh ónerkásibi ministri Jaslan Mádiev Almaty oblysyndaǵy Sarybai bi aýylyna bardy. Bul aýylda «Aýyl telekom» kompaniiasy tutynýshylardyń úiine 500 Mbit/s deiingi jyldamdyqty internet ótkizetin Fixed Wireless Access (FWA) tehnologiiasyn synaqtan ótkizýde.
Synalyp jatqan tehnologiia interneti joq aýyldardy bailanyspen qamtýǵa baǵyttalǵan, sondai-aq aýyldardaǵy WiFi, ADSL, CDMA EVDO siiaqty eskirgen tehnologiialardy jańǵyrtpaq. Atap aitqanda, Sarybai bi aýylynda «Aýyl telekom» kompaniiasy ADSL tehnologiiasyn FWA-ǵa aýystyrdy.
Osylaisha, aýyldaǵy úilerge 200-300 Mbit/s jyldamdyqtaǵy internetke qosatyn jabdyq ornatylǵan, osyǵan deiin eskirgen ADSL tehnologiiasyn paidalanyp kelgen 129 úi sharýashylyǵynyń 105-i keń jolaqty symsyz qoljetimdi jelige (KJSJ) sátti kóshti. Bul úilerdegi internettiń sapasy men jyldamdyǵyn edáýir arttyrdy.
Sarybai bi turǵyndary internet bailanysynyń sapasy olardyń kúndelikti ómirin edáýir jaqsartqanyn atap ótti. Tehnologiia bilim alý, onlain jumys isteý jáne adamdardyń bir-birimen qashyqtan aralasýy úshin jańa múmkindikter berdi, bul aýyldyq jerlerde ómir súrý deńgeiin jaqsartýdyń mańyzdy qadamy.
«Joba qala men aýyl arasyndaǵy tsifrlyq alshaqtyqty joiý úshin zamanaýi tehnologiialardy qalai paidalanýǵa bolatynyn kórsetedi. Jelini jańǵyrtý baǵytynda qolǵa alǵan jumysymyzdyń aqtalǵanyn kórip otyrmyz, ári turǵyndar oń baǵasyn berip jatyr», - dep atap ótti QR Tsifrlyq damý, innovatsiialar jáne aeroǵarysh ónerkásibi ministri Jaslan Mádiev.
«Biz enshiles uiymdarymyzdyń biri «Aýyltelekomnyń» jumysyn aýyldardy joǵary jyldamdyqty internentpen qamtamasyz etýge baǵyttadyq. Aýyltelekom qazir ońtaily tehnologiialardy anyqtap, aýyl turǵyndarynyń sapaly internetke qol jetkizýi úshin jumys isteýde.
Sarybai bi aýylyndaǵy testileý FWA – zamanaýi symsyz tehnologiiasy aýyldyq jerde joǵary jyldamdyqty internet jelisine qosylýdy qamtamasyz ete alatynyn kórsetti», - dep atap ótti «Qazaqtelekom» AQ Basqarma tóraǵasy Baǵdat Mýsin.
«Aýyl telekomnyń» FWA jelisi qazirdiń ózinde 3 aýyldy qamtyp otyr, onda 200-den astam úi sharýashylyǵy jelige qosylǵan, ári jańa abonentterdi qosý protsesi jalǵasýda. Qańtar aiynda jeli taǵy 3 aýylda qoljetimdi bolady, al 2025 jyly «Aýyl telekom» 100-den astam aýyldy jelige qosýdy josparlap otyr, osylaisha taǵy 10 myńnan astam aýyl turǵyny zamanaýi internetpen qamtylatyn bolady.
