«Qazaqstanda jasalǵan» aýylsharýashylyǵy tehnikasynyń lizingisi boiynsha qarjylandyrýdyń jeńildetilgen baǵdarlamasy iske qosyldy, dep habarlaidy "Ult aqparat".
«QazAgro» holdingi qazaqstandyq fermerlerge sharttardy jeńildetýdi jalǵastyrýda. Memleket basshysy Qasym-Jomart Toqaevtyń tótenshe jaǵdai kezinde shaǵyn jáne orta biznesti qoldaý týraly tapsyrmasy sheńberinde 2020 jyldyń 1 sáýirinen bastap «QazAgro» holdinginiń «QazAgroQarjy» aktsionerlik qoǵamy tehnika men kólik quraldarynyń lizingisi boiynsha aýyl sharýashylyǵy taýarlaryn óndirýshilerdi qarjylandyrýdyń «Qazaqstanda jasalǵan» atty arnaiy jeńildikti baǵdarlamasyn iske qosty.
«Qarjy jyldyq 6% mólsherlemesimen, 10 jylǵa jáne 1 jylǵa deiin lizingtik tólemder boiynsha jeńildikpen beriledi. Investitsiialyq sýbsidiia túrindegi beriletin memlekettik qoldaýdyń arqasynda alǵashqy tólem 0% quraidy jáne qandai da bir komissiialardy tólemei jáne kepilsiz beriledi. Ótinim qabyldaý jáne qaraý azaitylǵan qujattar paketiniń elektrondyq kóshirmeleri negizinde jeńildetilgen tártippen júzege asyrylady. Bul baǵdarlamanyń iske asyrylýy aýyl sharýashylyǵy taýarlaryn óndirýshilerge eleýli qoldaý kórsetip, eldiń azyq-túlik qaýipsizdigin qamtamasyz etýge óz úlesin qosyp qana qoimai, otandyq mashina jasaýdy damytýǵa oń yqpalyn tigizýge múmkindik beredi» delingen habarlamada.
Sonymen birge, tótenshe jaǵdai rejimi kezinde «QazAgroQarjy» aktsionerlik qoǵamy 2020 jyldyń 15 maýsymyna deiin shaǵyn jáne orta biznes sýbektilerine tek qaryz sharttary boiynsha ǵana tóleý merzimderin uzartyp qana qoimai, sondai-aq qarjy lizingi sharttary boiynsha da turaqsyzdyq aiybyn eseptemei tóleý merzimderin uzartady.
«QazAgroQarjy» aktsionerlik qoǵamyna 2020 jyldyń 21 sáýirine deiin tólem merzimin uzartý týraly somasy 2,59 milliard quraityn 171 ótinim tústi, somasy 630 mln teńgeni quraityn ótinim maquldandy.
Ótinimderdi ortalyq apparatta da, sondai-aq elimizdiń barlyq óńirinde ornalasqan filialdarda da qabyldaidy.
Tolyq aqparatpen qoǵamnyń korporativtik saity nemese qoǵamnyń Call-center (8(7172) 55-77-55) arqyly, sondai-aq ortalyq apparat pen filialdardyń telefony arqyly tanysýǵa bolady.
