Qazaqstandaǵy aýyl sharýashylyǵy salasynda aldaǵy 5 jylda qandai mamandyqtar joiylady? Bul suraq tóńireginde ranking.kz aqparat kózi arnaiy zertteý júrgizip kórgen. Zertteý qorytyndysyna sáikes, bul salada jańadan paida bolatyn 10 jáne joiylatyn 18 mamandyq aiqyndalǵan, dep habarlaidy "Ult aqparat".
2020 jylǵy úshinshi toqsandaǵy kórsetkishke sáikes, Qazaqstanda aýyl sharýashylyǵy salasynda 1,2 mln adam eńbek etedi. Bul kórsetkish – elde jumyspen qamtylǵan azamattardyń 13,9 paiyzy.
«2020 jyldyń 10 aiynda aýyl sharýashylyǵy sektorynda eńbektiń elektrondy birjasynda 50 myń vakansiia jariialandy. Olardyń ishindegi 40 paiyzyna biliktilik talaby qoiylǵan. 2020 jyly eń qajetti mamandyqtar qatarynda traktorshy, aýyl sharýashylyǵy mehanizatsiiasy salasyndaǵy injener, kúzetshi, krandar men kótergishterdiń operatory, jeke kóliktiń júrgizýshisi men shopyry boldy», - delingen zertteýde.
Tsifrlyq tehnologiialar kúnnen kúnge damyp, protsesterdiń bári de avtomattandyrylyp kele jatqan zamanda jahandyq eńbek naryǵyna edáýir ózgerister engizilip jatyr. Osynyń nátijesinde bolashaqta suranysqa ie bolatyn mamandyqtar paida bolady. Al qol eńbeginiń kóbi avtomattandyrylady.
Álemdik tendentsiia aýyl sharýashylyǵyn da ainalyp ótken joq. Zertteýge sáikes, jańadan paida bolatyn 10 jáne joiylatyn 18 mamandyq aiqyndalǵan.
«Jańa mamandyqtar qatarynda sút fermalaryndaǵy robottehnik malshy, jer jáne sý resýrstaryn basqaratyn IT injener, agronom ekonomist, tsifrly agronom, aýyl sharýashylyǵy salasyndaǵy jańa tehnologiialar boiynsha maman jáne taǵy basqalaryn jatqyzýǵa bolady. Al 2025 jylǵa qarai mynadai mamandyqtar joiylady: tańbalaýshy (olardyń ornyna lazermen tańbalaityn qurylǵylar keeldi), qaptaýshy jáne bólshektep ólsheýshi (bir ǵana robot qaptaýshy birneshe adamnyń jumysyn atqara alady, sonymen qatar robot táýlik boiy jumys isteýge qaýqarly), suryptaýshy nemese irikteýshi (robottalǵan júieler ónimdi sapasy men basqa da belgilerine sáikes suryptai alady), júk tasýshy (qazirdiń ózinde robottalǵan kótergishter jumys istep jatyr)», - delingen zertteýde.
