قازاقستانداعى اۋىل شارۋاشىلىعى سالاسىندا الداعى 5 جىلدا قانداي ماماندىقتار جويىلادى? بۇل سۇراق تٶڭٸرەگٸندە ranking.kz اقپارات كٶزٸ ارنايى زەرتتەۋ جٷرگٸزٸپ كٶرگەن. زەرتتەۋ قورىتىندىسىنا سەيكەس, بۇل سالادا جاڭادان پايدا بولاتىن 10 جەنە جويىلاتىن 18 ماماندىق ايقىندالعان, دەپ حابارلايدى "ۇلت اقپارات".
2020 جىلعى ٷشٸنشٸ توقسانداعى كٶرسەتكٸشكە سەيكەس, قازاقستاندا اۋىل شارۋاشىلىعى سالاسىندا 1,2 ملن ادام ەڭبەك ەتەدٸ. بۇل كٶرسەتكٸش – ەلدە جۇمىسپەن قامتىلعان ازاماتتاردىڭ 13,9 پايىزى.
«2020 جىلدىڭ 10 ايىندا اۋىل شارۋاشىلىعى سەكتورىندا ەڭبەكتٸڭ ەلەكتروندى بيرجاسىندا 50 مىڭ ۆاكانسييا جارييالاندى. ولاردىڭ ٸشٸندەگٸ 40 پايىزىنا بٸلٸكتٸلٸك تالابى قويىلعان. 2020 جىلى ەڭ قاجەتتٸ ماماندىقتار قاتارىندا تراكتورشى, اۋىل شارۋاشىلىعى مەحانيزاتسيياسى سالاسىنداعى ينجەنەر, كٷزەتشٸ, كراندار مەن كٶتەرگٸشتەردٸڭ وپەراتورى, جەكە كٶلٸكتٸڭ جٷرگٸزۋشٸسٸ مەن شوپىرى بولدى», - دەلٸنگەن زەرتتەۋدە.
تسيفرلىق تەحنولوگييالار كٷننەن كٷنگە دامىپ, پروتسەستەردٸڭ بەرٸ دە اۆتوماتتاندىرىلىپ كەلە جاتقان زاماندا جاھاندىق ەڭبەك نارىعىنا ەدەۋٸر ٶزگەرٸستەر ەنگٸزٸلٸپ جاتىر. وسىنىڭ نەتيجەسٸندە بولاشاقتا سۇرانىسقا يە بولاتىن ماماندىقتار پايدا بولادى. ال قول ەڭبەگٸنٸڭ كٶبٸ اۆتوماتتاندىرىلادى.
ەلەمدٸك تەندەنتسييا اۋىل شارۋاشىلىعىن دا اينالىپ ٶتكەن جوق. زەرتتەۋگە سەيكەس, جاڭادان پايدا بولاتىن 10 جەنە جويىلاتىن 18 ماماندىق ايقىندالعان.
«جاڭا ماماندىقتار قاتارىندا سٷت فەرمالارىنداعى روبوتتەحنيك مالشى, جەر جەنە سۋ رەسۋرستارىن باسقاراتىن IT ينجەنەر, اگرونوم ەكونوميست, تسيفرلى اگرونوم, اۋىل شارۋاشىلىعى سالاسىنداعى جاڭا تەحنولوگييالار بويىنشا مامان جەنە تاعى باسقالارىن جاتقىزۋعا بولادى. ال 2025 جىلعا قاراي مىناداي ماماندىقتار جويىلادى: تاڭبالاۋشى (ولاردىڭ ورنىنا لازەرمەن تاڭبالايتىن قۇرىلعىلار كەەلدٸ), قاپتاۋشى جەنە بٶلشەكتەپ ٶلشەۋشٸ (بٸر عانا روبوت قاپتاۋشى بٸرنەشە ادامنىڭ جۇمىسىن اتقارا الادى, سونىمەن قاتار روبوت تەۋلٸك بويى جۇمىس ٸستەۋگە قاۋقارلى), سۇرىپتاۋشى نەمەسە ٸرٸكتەۋشٸ (روبوتتالعان جٷيەلەر ٶنٸمدٸ ساپاسى مەن باسقا دا بەلگٸلەرٸنە سەيكەس سۇرىپتاي الادى), جٷك تاسۋشى (قازٸردٸڭ ٶزٸندە روبوتتالعان كٶتەرگٸشتەر جۇمىس ٸستەپ جاتىر)», - دەلٸنگەن زەرتتەۋدە.
