Áriptesterimen birge Aýyl sharýashylyǵy ministri Saparhan Omarov ta oqshaýlandy. Ministrge qatysty bul aqparatty onyń baspasóz hatshysy Janjigit Omarhan rastady.
Janjigit Omarhannyń habarlaýynsha, Saparhan Omarov koronavirýs boiynsha testten ótip, onyń KVI juqtyrmaǵany anyqtalǵan. Alaida KVI-den emdeý jáne diagnostika hattamasyna sáikes Aýyl sharýashylyǵy ministri belgili bir ýaqyttan keiin qaitadan testten ótýi tiis. Oǵan deiin ministr oqshaýlanady. Jumysyn ministr keste boiynsha videokonferentsiia tártibimen jalǵastyra bermek.
Habarlanyp otyrǵandai, Saparhan Omarov memlekettik organdardyń ózge ókilderimen, onyń ishinde Densaýlyq saqtaý ministri Eljan Birtanovpen jumys barysynda jaqyn qashyqtyqta bolǵan.
Eske sala ketsek keshe Densaýlyq saqtaý ministri Eljan Birtanov Facebook paraqshasynda koronavirýs juqtyrǵanyn habarlaǵan edi.
12 maýsymda QR Premer-Ministri Asqar Mamin Jambyl oblysyna jumys saparymen baryp qaitty, onda Densaýlyq saqtaý ministri E. Birtanov ta bolǵan. Osyǵan bailanysty Úkimet basshysy da oqshaýlanýǵa májbúr bolyp otyr.
