Prezident Qasym-Jomart Toqaev Aýyl sharýashylyǵy ministri Saparhan Omarov otstavkaǵa ketýi kerek ekenin aitty, - dep habarlaidy "Ult aqparat".
"Mundai qiyn jaǵdaida ministrlik shuǵyl jáne batyl sharalar qabyldaýy kerek edi. Alaida ministrlik qajetti jumysty ýaqytynda júrgize almady. Sondyqtan ministr Saparhan Omarov otstavkaǵa ketse, durys bolady dep sanaimyn", - dedi Prezident 10 shildedegi Úkimettiń keńeitilgen otyrysynda.
Saparhan Omarov 2019 jyldyń 25 aqpanynan bastap aýyl sharýashylyǵy ministrligin basqarady. Buryn ol Májilis depýtaty bolǵan.
Buǵan deiin qurǵaqshylyqtyń saldarynan birneshe aimaqta mal qyrylǵany habarlanǵan bolatyn. Elimizdiń batys jáne ońtústik óńirleri, atap aitqanda Mańǵystaý jáne Qyzylorda oblystary zardap shekti. BAQ ókilderi mal azyǵy qymbattaǵanyn atap ótti.
Aýyl sharýashylyǵyndaǵy jaǵdaiǵa bailanysty birqatar sarapshy mal basynyń jappai azaiýyna bailanysty mal sharýashylyǵy ónimderi qymbattaitynyn málimdedi. "Baǵanyń ósýi búkil halyqtyń qaltasyn qaǵady, al jaǵdaidy túzetýge kesh bolady", - deidi mamandar.
