QR Úkimetiniń qaýlysymen Erbol Shyraqpaiuly Qarashókeev QR aýyl sharýashylyǵy vitse-ministri – ministriniń mindetin atqarýshy laýazymyna taǵaiyndaldy, dep habarlaidy primeminister.kz.
"Qarashókeev «QazAgro» holdinginiń basqarma tóraǵasy laýazymynda, sondai-aq Prezident Ákimshiliginde, Qarjy jáne Aýyl sharýashylyǵy ministrlikterinde túrli qyzmetterdi atqardy" - delingen habarlamada.
Premer-ministr Asqar Mamin 45 jastaǵy jańa vitse-ministrdi vedomstvo ujymyna tanystyrdy.
Aita keteiik, búgin Úkimettiń keńeitilgen otyrysynda Qasym-Jomart Toqaev Mańǵystaý jáne Qyzylorda oblystaryndaǵy qaýańshylyqqa bailanysty aýyl sharýashylyǵy ministrligi men ákimdikter tarapynan tiisti sharalardyń qolǵa alynbaǵanyn erekshe atap ótti.
Prezident júieli ári naqty jumys atqarylmaǵanyn atap ótti. Sonyń kesirinen sharýalarymyz tyǵyryqqa tirelip otyr. Naqty is-áreket pen keri bailanys joq, dedi Toqaev. Fermerler kómek surap, tikelei prezidentke ótinish aityp jatqanyn jetkizdi. Memleket basshysy qýańshylyq tabiǵi jaǵdai ekenin atap ótti. Alaida onyń pikirinshe, osyndai kúrdeli kezeńde ministrlik bul jumysty tiimdi uiymdastyra alǵan joq.
Sondyqtan osy salaǵa birden bir jaýapty tulǵa retinde ministr Saparhan Omarov otstavkaǵa ketti.
