Shyǵys Qazaqstan oblysyna jumys saparymen barǵan Saparhan Omarov kóktemgi dala jumystarynyń jaiymen tanysyp, iri tuqym ósirý sharýashylyǵynda boldy, - dep habarlaidy QR Aýyl sharýashylyǵy ministrliginiń baspasóz qyzmeti.
Aýyl sharýashylyǵy ministrin óńirdegi ákimdik ókilderi egin naýqanynyń jai-kúiimen tanystyrdy. Búgingi tańda jer jyrtý, ylǵaldy jabý jáne kúzdik daqyldar men kópjyldyq shópterdi egý jumystary tolyǵymen aiaqtaldy.
Jalpy, biyl Shyǵys Qazaqstan oblysynda 1,3 million gektar alqapqa egin egiledi, bul ótken jylmen salystyrǵanda 6,8 myń gektarǵa kóp. Kóbine oblysta dándi jáne burshaqty, sonymen birge maily daqyldar egiledi. 445 myń gektardan astam jerge negizinen maily daqyldar salynady.
Sondai-aq, 19 myń ga jerge kartop, 16 myńǵa kókónis pen baqsha egiledi. Bul Shyǵys Qazaqstan oblysyndaǵy jalpy egis alqabynyń 2,5%.
Oblysta kóktemgi dala jumystaryn 2,5 myńnan astam sharýa qojalyqtary júrgizedi. Oǵan 16,6 myń traktor, 5 myńnan astam júk kóligi, 93 egin egý kesheni, 11 myńnan astam sepkish, soqalar men qopsytqyshtar tartyldy.
Egis alqaby úshin Pavlodar MHZ-nan 30 myń tonna dizel otyny berildi. Tuqym, mineraldy tyńaitqyshtar, gerbitsidter men pestitsidter satyp alýǵa sýbsidiia túrinde oblystyq biýdjetten 5,4 mlrd. teńgeden astam qarajat bólindi.
Kóktemgi dala jumystarymen tanysqannan keiin Aýyl sharýashylyǵy ministri Glýbokoe aýdany, Solnechnoe aýylyndaǵy «Maily daqyldardyń tájiribelik sharýashylyǵy» JShS ujymymen kezdesti. Bul 55 jyldyq tarihy bar kompaniia. Negizgi baǵyty kúnbaǵys jáne dándi daqyldardyń joǵary reprodýktsiiasynyń tuqymdaryn óndiredi, sonymen qatar, aýylsharýashylyq ónimderiniń taýarlyq óndirisi jáne sút fermalary bar. Kompaniiada 350 adam jumys isteidi.
Kompaniia direktory M. Atahanov ministrge qoldanystaǵy óndiristik baza jaily baiandady.
Onyń aitýynsha, fermada 10 myń gektar alqap bar, onda kúzdik jáne jazdyq bidai, arpa, burshaq, soia, kúnbaǵys jáne kópjyldyq ósimdikterdiń tuqymdary ósiriledi. Maily daqyldarǵa ásirese kúnbaǵysqa erekshe basymdyq beriledi. 1965 jyldan bastap kompaniia 20-dan astam joǵary sapaly mai túrlerin shyǵardy.
Saparhan Omarov tájiribeli sharýashylyqta ǵylymdy damytýǵa 100 millionnan astam qarajat tartý boiynsha jumystar uiymdastyrylǵanyn atap ótti. Investorlar qarajatyna jańadan selektsiialyq tuqym sharýashylyǵy jáne zerthanalyq qurylǵylar alynǵan.
