«Aýyl» halyqtyq-demokratiialyq patriottyq partiiasynyń tóraǵasy Áli Bektaev ózderine daýys bergenderge alǵys aitty, dep habarlaidy "Ult aqparat" «Habar 24» telearnasyna silteme jasap.
«Aýyl» partiiasy atynan Májilis jáne máslihat depýtattyǵyna usynylǵan úmitkerler ekzit-poldyń aldyn ala nátijesin tyńdady. Qorytyndyǵa sáikes «aýyldyqtarǵa» sailaýshylardyń 5,75 paiyzy daýys bergen. Al sailaýdyń naqty nátijesin Ortalyq sailaý komissiiasynyń mamandary aldaǵy ýaqytta jariialaidy.
Uiym tóraǵasy Áli Bektaev, «aýyldyqtardy» qoldap, daýys bergen barsha el azamattaryna alǵysyn bildirdi. Jáne úgit-nasihat jumystaryn júrgizý úshin barlyq múmkindik jasalǵanyn alǵa tartty.
«Aýyl» partiiasyn qoldaǵan, aýyl partiiasyna tileýles bolǵan barlyq sailaýshyǵa rizashylyǵymyzdy bildirip, basymyzdy igimiz keledi. Bizdi qoldaǵan azamattarǵa, aýdandyq oblystyq óńirlik jáne respýblikalyq shtabynda jumys istegen áriptesterimizge alǵys aitqymyz keledi. Shynynda kóp jumys atqaryldy. Sailaý biz úshin óte úlken sabaq boldy. Óte úlken tájiribe boldy. Sailaý bizdiń elimizdiń órkendeýi jolynda jinaqtaǵan taǵy da bir jumys boldy dep aitýymyzǵa bolady», - dedi Áli Bektaev.
