Búgin «Aýyl» halyqtyq-demokratiialyq patriottyq partiiasy tóraǵasynyń orynbasary, Qazaqstan Respýblikasynyń Prezidenttigine kandidat Jigýli Dairabaevtyń senimdi ókili Nikolai Arsiýtin Soltústik Qazaqstan oblysynyń Qyzyljar aýdany Chapaevo eldimekeninde ornalasqan «Qyzyljar sút» JShS kásipornyna baryp, eńbek ujymymen kezdesti. Kezdesý barysynda kandidattyń saýaldy baǵdarlamasynyń negizgi baǵyttary baiandalyp, partiianyń jumysy týraly egjei-tegjeili aityldy, dep habarlaidy partiianyń baspasóz qyzmeti.
Jigýli Dairabaev óziniń baǵdarlamasynda Qazaqstan shikizaty bai memleket bola tura, óz halqyn qoljetimdi otynmen jáne energetikalyq resýrstarmen qamtamasyz ete almai otyrǵandyǵyn atap ótti. Osy rette kópshilikpen kezdesken Nikolai Arsiýtin baǵdarlamada aýyl sharýashylyǵy salasyn damytýǵa erekshe den qoiylǵandyǵyna toqtaldy.
««Aýyl» partiiasy aýyldyq eldi mekenderdi jańǵyrtý jónindegi uzaq merzimdi ulttyq strategiiany zań deńgeiinde qabyldaýdy usynyp otyr. Ásirese, aýyl sharýashylyǵy eńbekkerleriniń mártebesin arttyrý óte mańyzdy. Qala turǵyndaryn kommertsiialyq ústeme baǵasyz azyq-túlik taýarlarymen qamtamasyz etý úshin megapolisterde, monoqalalarda, oblys jáne aýdan ortalyqtarynda tutyný qoǵamdary men kooperativter jelisin qurý jáne damytý josparlanǵan», – dedi Nikolai Arsiýtin.
Óz kezeginde kásiporyn qyzmetkerleri kandidattyń bastamalaryn tyńdap, atalmysh jobalar júzege assa saladaǵy qordalanǵan máseleler sheshim tabaryna senim bildirdi.
Óndiris oshaǵynan keiin partiia ókilderi Petropavl qalasyndaǵy Sábit Muqanov atyndaǵy kitaphanada sailaýshylarmen kezdesý ótkizdi. Jiynda kandidattyń aldaǵy ýaqytqa josparlary, «Aýyl» partiiasynyń jobalary tóńireginde áńgime qozǵalyp, jurtshylyqtyń suraqtaryna jaýap berildi.
