«Aýyl» Halyqtyq-demokratiialyq patriottyq partiiasynyń Qyzylorda oblysy boiynsha filialy kásibin jańa bastaǵan fermerler úshin aýyl sharýashylyǵy taýar óndirýshileriniń qatysýymen «Násiptiń kilti - kásipte» taqyrybynda seminar-trening uiymdastyrdy, dep habarlaidy "Ult aqparat" atalmysh saiasi uiymnyń baspasóz qyzmetine silteme jasap.
Seminar Qyzylorda oblysy Syrdariia aýdany Shirkeili aýylynda ornalasqan «Ysamaddin» sharýa qojalyǵynda ótti. Bul qatysýshylarǵa sharýa qojalyǵynyń sońǵy jyldardaǵy jetistikterin óz kózimen kórýge múmkindik berdi. «Aýyl» HDPP múshesi, «Ysamaddin» sharýa qojalyǵynyń basshysy Janarbek Nurymbetov sharýashylyǵyn aralatyp, kásibiniń qyr-syrymen tanystyrdy. Onyń aitýynsha, «Ysamaddin» sharýashylyǵy 10 jyldan asa iri qara men jylqy ósirýmen ainalysyp keledi. 2012 jyly munda bir aýysymda 2,5-5 tonnaǵa deiin et óńdeitin keshen jumysy iske qosyldy. Búgingi tańda sharýa qojalyǵy Qyzylorda oblysynyń turǵyndaryn azyq-túlikpen (sút, mai, et), shikizatpen (jún, teri) qamtamasyz etýde.
Sonymen qatar, seminarda «Atameken» kásipkerler palatasy oblystyq filialynyń Bastaý biznes jobasy boiynsha aǵa keńesshisi Madina Qasymjan jastarǵa biznes bastaýdyń praktikalyq-tájiribesimen bólisti. Sonymen qatar, aýyl sharýashylyǵy taýar óndirýshilerin qoldaý jónindegi memlekettik baǵdarlamalar, sýbsidiialar, nesieler jáne t. b. týraly egjei-tegjeili aityp berdi.
Qatysýshylar seminardyń sharýa qojalyǵynda ótkeni olar úshin óte qyzyqty, tanymdy jáne jaqsy tájiribe bolǵanyn atap ótti. Óitkeni olar búkil sharýashylyqtyń jumysyn, maldy ustaý jaǵdailaryn kórý múmkindigine ie boldy.
