Bul týraly «Aýyl» halyqtyq-demokratiialyq patriottyq partiiasynyń tóraǵasy Áli Bektaev partiianyń kezekten tys XVIII sezi barysynda aitty.
Statistikalyq kórsetkish boiynsha Qazaqstanda neke qurǵan ár úsh otbasynyń bireýi ajyrasady. Sońǵy jyldardyń kórsetkishi boiynsha ajyrasý kórsetkishi qalada 40 paiyzǵa, aýyldyq jerde 27 paiyzǵa jetip otyr. Bul - el bolashaǵy úshin óte qaýipti kórsetkishter. Nekesiz dúniege kelgen tastandy balalardyń sany ósken. Búgin sábi úiinde qansha tastandy bala tárbie alýda. Bul jetimi men jesirin dalada qaldyrmaǵan halqymyz úshin úlken tragediia, - dedi ol.
Bektaevtyń aitýynsha, otbasy institýty men ana mártebesin kóterý kerek.
Kópbalaly analardyń turmystan teperish kórýi eldigimiz ben memleketimizge syn. Áleýmettik kómek alý salasynda qaǵazbastylyq sharyqtap tur. Ekonomika turaqty damý úshin adam sany 30 mln-nan az bolmaýy kerek. Qazirgi demografiialyq kórsetkish odan eki ese az. Sondyqtan bala týý men tárbie máselesinde qarajatty aiamaý kerek dep esepteimiz, - dedi ol.
Depýtat otbasyn asyraimyn dep júrgen ata-ana bala tárbiesine qajetti ýaqyt bóle almaitynyn aitty.
Balalarǵa arnalǵan arnaiy qoldaý qarajatyn engizý kerek. Ony «bala násibi» nemese «bala kapitaly» dep atap, ony 18 jasqa deiin tóleýdi qamtamasyz etý kerek. Ol otbasynyń kirisi men bala sanyna bailanysty bolmaýy kerek. Bul tólem arnaiy kartochka boiynsha balanyń qajettiligine ǵana jumsalýy kerek. Máselen balanyń kiimi, tamaǵy, oqý men oqýlyǵyna, emdelýine siiaqty máselelerge, - dedi ol.
Aita keteiik, kezekten tys sezge partiianyń óńirlik filialdarynan 110 delegat sailandy. Karantin sharalaryna bailanysty 64 delegat tikelei, 36 delegat qashyqtan qatysty. «Aýyl» halyqtyq-demokratiialyq patriottyq partiiasynyń tóraǵasy Áli Bektaev aýyl infraqurylymyn retteýge qaýqarsyz dep, «Aýyl - el besigi» jobasyn synǵa aldy. Sonymen qatar sheneýnikter aýyl turǵyny azaisa, ondaǵy nysandardy jaba salýdy ádetke ainaldyrǵanyn da aityp ótti.
Aiagóz QURMASh, Baq.kz
