Aýyldaǵy kásipkerlikti damytý úshin turǵyndarǵa kreditpen birge shyǵarǵan ónimin satyp alý týraly kepildikter berilmek. Bul týraly QR Eńbek jáne halyqty áleýmettik qorǵaý ministri Serik Shápkenov Úkimet otyrysynda aitty, dep habarlady QazAqparat.
«Atameken» ulttyq kásipkerler palatasymen birlesip, aýyl kásipkerligin damytý boiynsha sharalar kesheni ázirlenýde. Bul sharalar aýyldardyń master-josparlaryn qalyptastyrýdy, kásipkerlikke oqytýdy, ónimder men qyzmetterdi satyp alýǵa kepildik bere otyryp, jeńildetilgen kreditter men granttardy qamtityn bolady», – dedi Serik Shápkenov.
Ministr jastardyń jumyspen qamtylýyna erekshe kóńil bólinetinin atady.
«Qazirgi ýaqytta Ministrlik jastardy jumyspen qamtýǵa baǵyttalǵan sharalardy júzege asyrýda – bul «Jastar praktikasy» jáne «Alǵashqy jumys orny» jobalary. Atalǵan jobalardy kúsheitý úshin jastardyń qatysý merzimi men jalaqy mólsheri ulǵaitylady», – dedi Serik Shápkenov.
Sóz sońynda ol turaqty jumys oryndaryn qurý sharttarynyń biri – kásipkerlikti damytý ekenin eske saldy.
«Memleket basshysynyń tapsyrmasy boiynsha jeke isin damytýǵa arnalǵan grant mólsheri 200-den 400 ailyq eseptik kórsetkishke deiin (612,6 myńnan 1,2 mln teńgege deiin) ulǵaitylady, sondai-aq qarjylandyrýǵa úmitker biznes-jobalardyń ataýlylyǵyn jáne baǵalanýyn kúsheitý boiynsha sharalar kesheni qabyldanady», – dep túiindedi ministr.
