Foto: primeminister.kz
QR Premer-Ministri Álihan Smaiylovtyń tóraǵalyǵymen ótken Úkimet otyrysynda 2022-2023 jylǵy oqý jylynyń aiaqtalýy jáne kanikýl kezinde balalardyń saýyqtyrý demalysyn, bos ýaqytyn jáne eńbekpen qamtylýyn uiymdastyrý máselesi qaraldy, dep habarlaidy "Ult aqparat" primeminister.kz saityna silteme jasap.
Oqý-aǵartý ministri Ǵani Beisembaev biyl oqý jylyn 3,7 mln-nan astam oqýshy aiaqtaitynyn aitty. Atap aitqanda, 11-synypty 172 myń túlek bitiredi, onyń ishinde «Altyn belgige» úmitkerler sany – 6,8 myń túlek. Qorytyndy emtihandar 9-synyp úshin 4 pán boiynsha 2-13 maýsym aralyǵynda, al 11-synyp úshin 5-19 maýsym aralyǵynda 5 pán boiynsha ótedi.
Jazǵy demalyspen jáne saýyqtyrý sharalarymen 1-10 synyp oqýshylarynyń 85%-dan astamy, iaǵni áleýmettik osal sanattaǵy 500 myńǵa jýyq balany qosa alǵanda, shamamen 2,8 mln bala qamtylady dep josparlanyp otyr. Qazirgi ýaqytta jazǵy lagerlerde aldaǵy maýsymǵa daiyndyq boiynsha belsendi jumys júrgizilýde. Jalpy 218 qala syrtyndaǵy jáne 10 myńnan astam mektep janyndaǵy beiindi jáne shatyr lagerler óz esigin aiqara ashady.
Mádeniet jáne sport ministri Ashat Oralovtyń aitýynsha, jazǵy demalys aiasynda balalar úshin mádeniet salasy boiynsha 500-den astam, sport jáne týrizm salasy boiynsha 300-den astam is-shara uiymdastyrylmaq. Atap aitqanda, bul – murajailar men kieli oryndarǵa tegin ekskýrsiialar, kitaphanalardy aralatyp, spektakl kórsetý, túrli festivaldar men baiqaýlar uiymdastyrý.
Budan basqa respýblikanyń barlyq óńirinde balalarǵa baǵyttalǵan týristik ónimder jelisi keńeitiletin bolady. Sonymen qatar Kids Go Free otbasylyq týrizm baǵdarlamasyn iske asyrý jalǵasady, onyń aiasynda týristik paket ishinde balalardyń ushaq biletteriniń quny sýbsidiialanady. Birinshi jyldyń qorytyndysy boiynsha bul qyzmetti 1,5 myń bala paidalandy – 700-ge jýyq otbasy 70 mln teńge únemdedi. Biyl 2 myńnan astam bala osy baǵdarlamamen qamtylady dep kútilýde.
Balalardy saýyqtyrý jáne demalys oryndarynda sanitarlyq-epidemiologiialyq talaptardy saqtaý jónindegi sharalar týraly densaýlyq saqtaý ministri Ajar Ǵiniiat baiandama jasady. Óńirlerde júrgizilip jatqan jumystar týraly Astana qalasynyń ákimi Jeńis Qasymbek, Mańǵystaý oblysynyń ákimi Nurlan Noǵaev jáne Ulytaý oblysynyń ákimi Berik Ábdiǵaliuly aityp berdi.
Premer-Ministrdiń aitýynsha, memleket infraqurylymdy damytý, bilim sapasyn kóterý, tárbie jumysyn kúsheitý, balalardy qosymsha bilimmen qamtý baǵytynda júieli túrde tiisti jumystardy júrgizýde.
«Birneshe kúnnen keiin kezekti oqý jyly aiaqtalyp, balalar jazǵy demalysqa shyǵady. Ony paidaly ári qyzyqty ótkizgisi keledi. Sondyqtan biz bala densaýlyǵyn nyǵaitýǵa, bilimderin tolyqtyryp, jaqsy demalýyna jaǵdai jasaýymyz kerek», — dedi Álihan Smaiylov.
Úkimet basshysynyń aitýynsha, balalardyń sport sektsiialaryna jáne shyǵarmashylyq úiirmelerge tegin barýyna múmkindik berý úshin jergilikti biýdjetten 93 mlrd teńge bólindi. Oqýshylarǵa arnalǵan 50 saýyqtyrý lagerin, 100 innovatsiialyq shyǵarmashylyq ortalyǵyn salý boiynsha jumystar bastalyp ketti. Bul nysandardyń qurylysy 2026 jyly aiaqtalýy qajet.
Sonymen qatar Premer-Ministrdiń aitýynsha, óńirlerde balalardyń jazǵy demalysy men bos ýaqyttaryn tiimdi ótkizý isi kóp jaǵdaida formaldy túrde uiymdastyrylady.
«Áserli, maǵynaly is-sharalar az. Kóbine sapasy syn kótermeidi. Aýyl balalaryna da qajetti deńgeide kóńil bólinbeidi», — dedi Álihan Smaiylov.
Úkimet basshysy balalardyń jazǵy demalysyn uiymdastyrý kezinde kóptegen mańyzdy máselelerdi eskerý qajettigin aitty. Ásirese, balalarǵa arnalǵan buqaralyq is-sharalar, sonyń ishinde qorytyndy emtihandar bekitilgen kestege sáikes sapaly ótýi tiis.
«Jazǵy demalysta balalardyń qaýipsizdigi basty nazarda bolýy kerek. Ishki ister, Tótenshe jaǵdailar, Oqý-aǵartý, Densaýlyq saqtaý ministrlikteri, óńir ákimderi tiisti qyzmetterdiń turaqty jumysyn qamtamasyz etýi qajet», — dedi Úkimet basshysy.
Osy oraida ákimder jaz ailarynda oqý oryndaryndaǵy qaýipsizdik júielerin jańǵyrtyp, jabdyqtaý jumystaryn kúsheitýi tiis.
Premer-Ministr óńir ákimdikterine áleýmettik osal toptaǵy balalardyń jazǵy demalysyn uiymdastyryp, olardy saýyqtyrý sharalarymen barynsha qamtýdy tapsyrdy.
«Aýyl balalarynyń bos ýaqytyn tiimdi ótkizý erekshe nazarda bolýy kerek. Olar úshin sport alańdary men damý ortalyqtaryn jabdyqtap, oiyn-saýyq, mádeni is-sharalardy uiymdastyrý qajet», — dedi Álihan Smaiylov.
Sonymen qatar Úkimet basshysy shalǵai eldi mekenderde balalardyń densaýlyǵyna skrining jasaý, stomatologiialyq tekserý júrgizý úshin jyljymaly meditsinalyq pýnktterdiń jumysyn uiymdastyrý kerektigin aitty. Odan bólek qoǵamdyq oryndarda balalardyń tamaqtaný sapasyn baqylaý, tamaqtaný jáne oiyn-saýyq ortalyqtaryndaǵy sanitariialyq jaǵdaidy qamtamasyz etý mańyzdy ekeni aityldy.
Qorytyndylai kele, Álihan Smaiylov ishki týrizmdi damytý sheńberinde ekskýrsiialyq-tanymdyq is-sharalardy uiymdastyryp, balalardyń tabiǵat aiasyna saiahattaryn kóbeitip, kanikýl kezinde oqýshylardyń mýzeilerge, teatrlarǵa, qoryqtarǵa, ulttyq parkter men sporttyq obektilerge tegin barýlaryn qamtamasyz etýdi tapsyrdy.
