Ulttyq qoǵamdyq senim keńesiniń saiasi reformalar jónindegi toby aýyl ákimderin sailaýǵa qatysty usynystaryn jariia etti, dep habarlaidy "Ult aqparat".
«Aýyl ákimderin sailaý týraly bul ideiany siz (Prezident - avtor) óz Joldaýyńyzda da aittyńyz. Bul jerde de jalpyǵa teń jáne tóte sailaý ótkizý kerek. Daýys berý jasyryn túrde bolýy tiis. Kelesi jyly kent, aýyl jáne aýyldyq okrýg ákimderin sailaý kerek. Mysaly eger sailaý oń nátije berse ony kezeń-kezeńmen basqa deńgeide de júzege asyrý durys dep sanaimyz. Bul jerde kez kelgen azamattyń sailaný quqyǵyn shektemeý kerek dep esepteimiz», - dedi Ultyq keńes múshesi Maksim Spotkai keńestiń tórtinshi otyrysynda.
Onyń aitýynsha aýyl ákimi laýazymyna úmitkerlerge qoiylatyn talap ta jeńil bolýy kerek.
«Ol úshin úmitkerdiń 25 jasqa tolýy, tiisti eldimeken aýmaǵynda sońǵy úsh jylda turaqty turýy, joǵary nemese orta arnaýly bilimi bolýy shart. Halqymyzda «ákim bol, halqyńa jaqyn bol» degen sóz bar. Sondyqtan aýyl ákimderin sailaý bastamasy shyn máninde halyq pen bilik arasyn jaqyndastyra túsedi degen senimdemiz», - dedi ol.
