Aýyl ákimderin sailaý naýqanynda sailaý komissiiasy múshelerine eń tómengi 3 ailyq jalaqy kóleminde ailyq tólenedi. Bul týraly QR Ortalyq sailaý komissiiasynyń hatshysy Sábila Mustafina aitty, dep habarlaidy "Ult aqparat".
«Sailaý naýqany kezeńinde sailaý komissiialarynyń múshelerine sailaýdy ótkizýge bólingen qarajat esebinen eń tómengi úsh ailyq mólsherinde jalaqy belgilenedi. Ol jalpy alǵanda 127,5 myń teńgeni quraidy. Buǵan qosa, sailaýǵa daiyndyq jáne ony ótkizý kezeńinde memlekettik qyzmetshi sanalatyn komissiia músheleri negizgi jumysynan bosatylady jáne negizgi jumys ornyndaǵy ortasha jalaqysy saqtalady», - dedi Sábila Mustafina OSK otyrysynda.
Sonymen qatar ol sailaý komissiialarynyń músheleri, onyń ishinde memlekettik qyzmetshiler demalys jáne meiram kúnderi, túnde jumys istegenderi úshin qosymsha ústeme aqy alady. Bul ústemeaqy da sailaýdy ótkizýge bólingen qarajat esebinen tólenedi.
