QR Ortalyq sailaý komissiiasynyń hatshysy Sábila Mustafina aýyl ákimderin sailaýyn ótkizýge qansha qarjy jumsalatyndyǵyn aitty, dep habarlaidy "Ult aqparat".
«Olardy uiymdastyrý jáne ótkizý jóninde qabyldanǵan normalardy júzege asyrý Ortalyq sailaý komissiiasy arqyly respýblikalyq biýdjetten aǵymdaǵy maqsatty transfertter bólý arqyly júzege asyrylady. Atap aitqanda, Biýdjet kodeksiniń 42-baby 7-tarmaǵyna sáikes joǵary turǵan organ qabyldaǵan normativtik-quqyqtyq aktilerden týyndaityn tómengi biýdjetterdiń shyǵystaryn óteý joǵary turǵan biýdjetten aǵymdaǵy maqsatty transfertter bólý arqyly júrgiziledi», - dedi Sábila Mustafina OSK otyrysynda.
Aita keteiik, 2021 jyldyń 24 mamyrynda Prezident «2021-2023 jyldarǵa arnalǵan Respýblikalyq biýdjet týraly» QR zańyna ózgertýler men tolyqtyrýlar engizý týraly zańǵa qol qoiǵan bolatyn. Onda aýdandyq mańyzy bar qalalardyń, aýyldardyń, kentterdiń, aýyldyq okýrgterdiń ákimderin sailaýǵa qarajat qarastyrylǵan. «Respýblikalyq biýdjet týraly» zańda aýyl ákimderin sailaýǵa osy jyldyń sońyna deiin 4,7 mlrd teńge qarastyrylyp otyr.
«Shyǵyndardyń aldyn ala shyǵysy bazalyq shyǵynǵa negizdelgen. Olar: jalpy smetanyń 80 paiyzyna jýyqtaityn sailaý komissiiasy músheleriniń jalaqysy, BAQ-taǵy jariialanymdar, poligrafiia jáne basqa ónimder, kólik jaldaý, bailanys qyzmeti, is-sapar shyǵystary, sonymen qatar sailaý komissiialarynyń barlyq múshelerin jeke qorǵanys zattarmen qamtý», - dedi ol.
