Ulttyq ekonomika ministrligi Májiliske «Qazaqstan Respýblikasynyń keibir zańnamalyq aktilerine sailaý máseleleri boiynsha ózgerister men tolyqtyrýlar engizý týraly» ilespe zań jobasyn tanystyrdy, dep habarlaidy QazAqparat.
«Ilespe zań jobasy Jergilikti memlekettik baqsraý jáne ózin-ózi basqarý, Memlekettik qyzmeti týraly jáne Saiasi partiialar týraly zańdarǵa túzetýler engizýdi kózdeidi. Barlyǵy 20 túzetýden turady», - dedi Ulttyq ekonomika ministriniń orynbasary Álisher Ábdiqadyrov.
Vitse-ministrdiń aitýynsha, Jergilikti memlekettik basqarý jáne ózin-ózi basqarý týraly zańǵa engiziletin túzetýler ákimderdiń ókiletin myna jaǵdailarda toqtatýdy kózdeidi:
1. Eger ákimdi partiia usynǵan bolsa, partiia músheliginen shyǵarylǵan jaǵdaida;
2. Máslihat senimsizdik bildirgen jaǵdaida, onyń ishinde jergilikti qaýymdastyqtyń jiyny tiisti sheshim shyǵarǵan jaǵdaida;
3. Memlekettik qyzmet týraly zańnyń ózge de negizdemeleri boiynsha, iaǵni, sot shemimimen nemese óz erkimen qyzmetten bosatylýy, azamattyqtan aiyrylyý jáne t.b;
«Sonymen qatar, jergilikti máslihat depýtattaryna aýyl ákiminiń áreketterin tártiptik keńeste qaraý ókiletin berý qarastyrylyp otyr», - dedi ministrdiń orynbasary.
Buǵan deiin habarlaǵanymyzdai, Májiliste sailaý týraly zańnamaǵa engiziletin túzetýler tanystyrylyp jatyr. Zań jobasy boiynsha, ákimder sailaýyn alǵashqy eki jylda OSK qarjylandyrady .
Eske sala ketsek, Jomart Toqaev Ulttyq qoǵamdyq senim keńesiniń besinshi otyrysynda Sailaý týraly zańnamaǵa engiziletin barlyq ózgerister men tolyqtyrýlar pysyqtalyp jatqanyn málim etken bolatyn.
