Eýropada «jasyl» energetikaǵa ótý baialaýy múmkin. Aýstriia men Germaniia gaz tutynýdy jáne Resei Federatsiiasynan jetkizilimdi azaitý maqsatynda ýaqytsha kómir JEO-ǵa oralyp jatyr, dep habarlaidy QazAqparat euronews.com saityna silteme jasap.
Aýstriia biligi eki jyl buryn jumysyn toqtatqan Mellahtaǵy kómir elektr stantsiiasyn qaita ashýdy josparlap otyr. Aýstriiada Resei gazynyń úlesi importtyń 80%-yn quraidy.
«Biz osy elektr stantsiiasyn kómirmen jumys isteýdi qalpyna keltirý úshin qaita jabdyqtaimyz. Eger tutynýdy tolyqtai qamtamasyz etý, jetkizilimde úzilister bolsa, onda osy stantsiiany qaitadan paidalanýǵa bolady. Sondyqtan qazir sheshim qabyldaý mańyzdy. Qalai bolǵanda da, tehnikalyq jańartýǵa, daiyndyqqa birneshe ai qajet», - dedi Aýstriianyń qorshaǵan orta ministri Leonore Gevessler.
Germaniia 8 shildeden bastap kómir elektr stantsiialaryn ýaqytsha belsendi paidalaný týraly zań jobasyn qabyldamaq. Ekonomika ministri Robert Havbek jaǵdai kúrdeli ekenin jáne qysta tapshylyq boldyrmas úshin energiia tutynýdy azaityp, jerasty gaz qoimalaryn toltyrý kerek ekenin aitty.
«Jasyl» Habek ókiliniń aitýynsha, kómirge qaita oralý - bul qatty qajettilikten týyndap otyr.
