Aýstraliianyń shekara qyzmeti Brisben kemejaiynda Ońtústik Afrika Respýblikasynan jetkizilgen júk arasyna jasyrylǵan 144 kelige jýyq kokain tárkiledi, dep habarlaidy "Ult aqparat".
The Sydney Morning Herald basylymynyń jazýynsha, shekara qyzmetkerleri Brisben kemejaiyna qazan aiynyń basynda jetkizilgen gidravlikalyq tsilindrler partiiasyn qaraý kezinde eki gidrotsilindr porsheninen qýystardy anyqtaǵan.
Onyń ishinen árqaisysyna 24 blok kokain salynǵan alty metall konteiner tabyldy.
Jasyrylǵan esirtkiniń quny 64,8 mln aýstraliialyq dollarǵa baǵalanyp otyr.
Esirtkini anyqtaý sharasy eldiń shekara qyzmeti jáne federaldyq politsiia kúshimen uiymdastyryldy. Sonyń aiasynda Brisbena jáne Sidnei kemejailarynyń qoima ǵimarattarynda izdeý jumystary júrgizilip, júkti alýshy – Sidneidiń 45 jastaǵy turǵyny qamaýǵa alyndy.
Aýstraliia zańnamasyna sáikes, atalǵan quqyq buzýshylyqtar úshin taǵaiyndalatyn jaza – ómir boiy bas bostandyǵynan aiyrý.
