Qazaqstannyń birinshi, álemniń 12-raketkasy Elena Rybakina Aýstraliia ashyq chempionatynyń úshinshi ainalymyna óte almady, dep habarlaidy QazAqparat.
Jarystyń 12-raketkasy bolyp tirkelgen qazaqstandyq tennisshi ekinshi ainalymda dúniejúzilik reitingte 74-orynda turǵan qytailyq Chjan Shýaimen kortqa shyqty.
Birinshi partiiada esep 4:4 bolǵan mezette qytailyq sportshy breik jasap ketti – 6:4.
Ch.Shýai ekinshi setti breikpen bastady. Budan keiin Elena meditsinalyq kómekke júginip, sálden soń matchty jalǵastyrýdan bas tartty.
Osylaisha Aýstraliia ashyq chempionatynda jekelei synda Qazaqstannan eshkim qalmady.
Qytailyq tennisshi úshinshi ainalymda álemniń 26-raketkasy, belgiialyq Eliza Mertenspen kúsh synasady. Ol ekinshi kezdesýinde rýmyniialyq Irina Begýdi 6:3, 6:2 esebimen tize búktirdi.
