Qazaqstandyq tennisshilerdiń Aýstraliia ashyq chempionatyndaǵy qarsylastary anyqtaldy, dep habarlaidy "Ult aqparat".
Áielder arasynda Qazaqstannyń birinshi, álemniń 19-raketkasy Elena Rybakina reseilik belgili tennisshi Vera Zvonarevamen kezdesedi.
Sondai-aq Iýliia Pýtintseva alǵashqy ainalymda amerikalyq, US Open týrniriniń 2017 jylǵy chempiony Sloan Stivenspen, Zarina Diias sloveniialyq Tamara Zidanshekpen, Iaroslava Shvedova italiialyq Kamila Djordjimen sheberlik baiqasady.
Erler arasynda Qazaqstannyń birinshi, álemniń 45-raketkasy Aleksandr Býblik sloveniialyq Aliaj Bedenemen kortqa shyǵady. Al Mihail Kýkýshkin US Open týrniriniń 2020 jylǵy jeńimpazy, álemniń 3-raketkasy, aýstriialyq Dominik Timmen kúsh synasady.
Aýstraliia ashyq chempionaty 8 aqpanda bastalyp, 21-inde márege jetedi.
