Qazaqstannyń juptyq syndaǵy birinshi raketkasy Anna Danilina Aýstraliia ashyq chempionatynyń finalyna shyqty, dep habarlaidy QazAqparat.
A.Danilina braziliialyq Beatris Haddad Maiiamen birge jartylai finalda jarystyń 2-raketkalary, japoniialyqtar Siýko Aoiama – Ena Shibaharamen sheberlik baiqasty.
Jýyrda Sidnei WTA týrnirinde Anna men Beatris qarsylastaryn tize búktirgen bolatyn.
Bul joly birinshi partiiada qazaqstandyq-braziliialyq jup basym tústi – 6:4. Ekinshisinde japoniialyqtar ese qaiyrdy – 7:5.
Úshinshi, sheshýshi sette Anna men Beatris qaitadan tarazy basyn ózderine aýdardy – 6:4.
Qazaqstandyq-braziliialyq jup 2 saǵat 20 minýtqa sozylǵan tartysty básekede 2 eis jasap, 9 breik-pointtyń tórteýin paidalandy. Qarsylastary 1 eis, 3 breikpen (11 breik-point) shekteldi.
Osylaisha Anna Danilina óz sporttyq jolynda alǵash ret «Úlken dýlyǵa» týrniriniń finalyna shyqty.
Anna men Beatris finalda dodanyń 1-raketkalary, chehiialyqtar Barbora Kreichikova – Katerina Siniakova nemese reseilik Veronika Kýdermetova – belgiialyq Eliza Mertens juptarynyń qai jeńgenimen bas júldeni sarapqa salady.
