Juptyq synda Qazaqstannyń birinshi raketkasy Anna Danilina Aýstraliia ashyq chempionatynyń shirek finalyna shyqty, dep habarlaidy QazAqparat.
Qazaqstan tennis federatsiiasy málim etkendei, A.Danilina braziliialyq Beatris Haddad Maiiamen birge úshinshi ainalymda ispaniialyq Alena Bolshova – norvegiialyq Ýlrikke Eikerimen sheberlik baiqasty.
Ispaniialyq-norvegiialyq jup birinshi partiiada 6:4 esebimen basymdyq tanytty.
Ekinshi sette Beatris pen Anna ese qaiyrdy – 6:3. Úshinshi, sheshýshi partiiada 1:4 esebimen jeńilip jatyp, tarazy basyn teńestire bildi. Sodan keiin tai-breikte jeńisti julyp aldy – 7:6 (10:5).
Qazaqstandyq-braziliialyq jup 2 saǵat 34 minýtqa sozylǵan tartysty matchta 1 eis jasap, 14 breik-pointtyń altaýyn óz esepterine jazdy. Qarsylastary 2 eis, 6 breikpen (9 breik-point) erekshelendi.
Anna men Beatris jartylai finalǵa shyǵý úshin shvetsiialyq Rebekka Peterson – reseilik Anastasiia Potapovamen talasady.
