Qazaqstandyq Andrei Golýbev aralas synda Aýstraliia ashyq chempionatynyń ekinshi ainalymyna shyqty, dep habarlaidy QazAqparat.
Qazaqstandyq tennisshi ýkrainalyq Liýdmila Kichenokpen birge bastapqy kezdesýin horvatiialyq Daria Iýrak – úndistandyq Rohan Bopannamen ótkizdi.
A.Golýbev pen L.Kichenok 1:6, 6:4, 11:9 esebimen jeńiske jetti. Olar bir saǵattan astam ýaqytqa sozylǵan báseke barysynda 1 eis jasap, 4 breik-pointtyń teń jartysyn paidalandy. Qarsylastary 4 eis, 3 breikke (5 breik-point) qol jetkizdi.
Qazaqstandyq-ýkrainalyq jup shirek finalǵa shyǵý úshin japoniialyq Makoto Ninomiia – pákstandyq Aisam-ýl-Hak Kýreshimen talasady. Osylaisha Aýstraliia ashyq chempionatynda Qazaqstannan A.Golýbev pen juptyq synda óner kórsetetin Anna Danilina ǵana qaldy.
