Qazaqstandyq Aleksandr Nedovesov juptyq synda Aýstraliia ashyq chempionatynyń úshinshi ainalymyna shyǵa almady, dep habarlaidy QazAqparat.
A.Nedovesov pákstandyq Aisam-ýl-Hak Kýreshimen birge ekinshi ainalymda amerikalyq Markos Hiron – ońtústikkoreialyq Sýn Vý Kvonmen sheberlik baiqasty.
Birinshi partiiada qazaqstandyq-pákstandyq jup eki ret breik jasap, aiqyn basymdylyq kórsetti – 6:1. Ekinshisinde qarsylastary ese qaiyrdy – 6:3.
Úshinshi, sheshýshi sette match taǵdyry tai-breikte sheshildi. Onda Hiron men Kvon jeńisti julyp aldy – 7:6 (10:7).
Eki saǵatqa jýyq ýaqytqa sozylǵan báseke barysynda Nedovesov pen Kýreshi 3 eis jasap, 9 breik-pointtyń ekeýin paidalandy. Qarsylastary 3 eis, 1 breikpen (8 breik-point) kózge tústi.
Hiron men Kvon shirek finalǵa shyǵý úshin osy jarystyń 10-raketkalary, niderlandylyq Ýes Kolhof – ulybritaniialyq Nil Skýpskimen talasady.
