قازاقستاندىق الەكساندر نەدوۆەسوۆ جۇپتىق سىندا اۋسترالييا اشىق چەمپيوناتىنىڭ ٷشٸنشٸ اينالىمىنا شىعا المادى, دەپ حابارلايدى قازاقپارات.
ا.نەدوۆەسوۆ پەكستاندىق ايسام-ۋل-حاك كۋرەشيمەن بٸرگە ەكٸنشٸ اينالىمدا امەريكالىق ماركوس حيرون – وڭتٷستٸككورەيالىق سۋن ۆۋ كۆونمەن شەبەرلٸك بايقاستى.
بٸرٸنشٸ پارتييادا قازاقستاندىق-پەكستاندىق جۇپ ەكٸ رەت برەيك جاساپ, ايقىن باسىمدىلىق كٶرسەتتٸ – 6:1. ەكٸنشٸسٸندە قارسىلاستارى ەسە قايىردى – 6:3.
ٷشٸنشٸ, شەشۋشٸ سەتتە ماتچ تاعدىرى تاي-برەيكتە شەشٸلدٸ. وندا حيرون مەن كۆون جەڭٸستٸ جۇلىپ الدى – 7:6 (10:7).
ەكٸ ساعاتقا جۋىق ۋاقىتقا سوزىلعان بەسەكە بارىسىندا نەدوۆەسوۆ پەن كۋرەشي 3 ەيس جاساپ, 9 برەيك-پوينتتىڭ ەكەۋٸن پايدالاندى. قارسىلاستارى 3 ەيس, 1 برەيكپەن (8 برەيك-پوينت) كٶزگە تٷستٸ.
حيرون مەن كۆون شيرەك فينالعا شىعۋ ٷشٸن وسى جارىستىڭ 10-راكەتكالارى, نيدەرلاندىلىق ۋەس كولحوف – ۇلىبريتانييالىق نيل سكۋپسكيمەن تالاسادى.
