Qazaqstannyń 1-shi, álemniń 37-raketkasy Aleksandr Býblik Aýstraliia ashyq chempionatynyń úshinshi ainalymyna shyǵa almady, dep habarlaidy QazAqparat.
Býblik ekinshi ainalymda álemniń 20-raketkasy, frantsiialyq Gael Monfispen kezdesti.
Qazaqstandyq tennisshi qarsylasyn 2020 jylǵy Frantsiia ashyq chempionatynda utqan bolatyn.
Bul joly alǵashqy eki partiiada Býbliktiń oiyny júrmei, jii qatelesti - 1:6, 0:6.
Úshinshi sette qarsylasyp baqqanmen, jeńis Monfistiń enshisinde ketti - 6:4.
Frantsiialyq sportshy úshinshi ainalymda álemniń 19-raketkasy, chililik Kristian Garinmen sheberlik baiqasady.
G.Monfis 1 saǵat 29 minýtqa sozylǵan kezdesýde 11 eis jasap, 15 breik-pointtyń beseýin paidalana bildi. A.Býblik 4 eispen ǵana shektelip, 4 breik-pointtan esh nátije shyǵara almady.
Ol ótken jyly da Aýstraliia ashyq chempionatynda ekinshi ainalymnan asa almaǵan edi.
Osylaisha atalmysh birinshilikte jekelei synda Qazaqstannan Elena Rybakina ǵana qaldy.
