Qazaqstannyń birinshi, álemniń 45-raketkasy Aleksandr Býblik Aýstraliia ashyq chempionatynyń úshinshi ainalymyna shyǵa almady, dep habarlaidy "Ult aqparat".
A.Býblik ekinshi kezdesýin álemniń 27-raketkasy, serbiialyq Dýshan Laiovichpen ótkizdi.
Birinshi sette serbiialyq sportshy 6:4 esebimen basym tústi.
Ekinshi partiiada esep 3:3 bolǵannan keiin A.Býblik breikpen alǵa ketti. Tipti 5:3-ke jetkizip, setke dop berdi.
Odan keiin de setboldaryn paidalana almady. Aqyry tai- breikte D.Laiovich sátti oinai bildi – 7:6 (7:4).
Úshinshi sette esep 4:4 bolǵan mezette qazaqstandyq tennisshi breik jasap, sosyn óz geimin de aldy – 6:4.
Tórtinshi partiiada esep 4:3 bolǵanda, D.Laiovich breik jasap ketti. Sosyn matchqa dop bergende, qatelesken joq – 6:3.
Tartysty báseke 3 saǵat 3 minýtqa sozyldy.
D.Laiovich úshinshi ainalymda álemniń 87-raketkasy, ispaniialyq Pedro Martines - Porteromen sheberlik baiqasady.
Osylaisha erler arasynda jekelei synda Qazaqstannan eshkim qalmady.
