Tanymal prodiýser Serik Abas-Shah Instagram paraqshasyna kópten kórinbei ketken ánshi Murat Qojanyń án oryndaǵan videosyn saldy. Videoda óner iesi salmaq qosyp, imidji ózgerip ketkeni baiqalady.
«Alla súiikti quldaryn synaidy degen bar ǵoi. Sony oilap, shúkirshilik etip jatamyz. Allanyń súiispenshiligindegi adammyn dep, ózimdi jubatamyn.
Aýrýymdy eshkimge tilemeimin. Aitatyndai zat emes, qudai saqtasyn.
Óte qatty nárse… Ólim men ómir arasyndaǵy arpalys. Jeńe almaitynyńdy túsinetin aýrýlar bolady ǵoi. Meniń aýrýym — túsiniksiz aýrý (edi). Ne aiaq jasamaidy, ne qol jasamaidy. Diagnoz joq. Almaty men Astanadaǵy barlyq dárigerge bardym. Eshkim bilmeidi. Eń sońynda eki qolymdy kótergen siiaqty boldym. Osymen Allaǵa ǵana tabystaimyn dedim.
Karantin bastalyp jatqan kez (edi), imamdarǵa habarlasyp, vatsappen dem saldyrdym. Meditsina kómektese alǵan joq. Úmitim úzildi deitindei jaman aýrý da emes. Adam túsinbeitin nárse boldy.
Tek Alladan úmit úzbedim. Aiaǵymnan turǵyzshy dep jalyndym. Úlken synaq, qatty synaq bolady (qolyńa eshteńe ustai almaý, aiaǵyńa tura almaý…)
Alla kóp nárseni túsindirý úshin osyndai synaq beretin shyǵar. Ár nárseniń qadirin bilýdi úiretken aýrý boldy. Dostyń, aǵaiynnyń, áieliń men balańnyń qandai ekenin kórsetti. Bir aýrýmen báriniń qadirin uqtyrdy.
Eki jyl aýyrdym. Emi Alladan boldy", — dep jazylǵan video astynda.
