Densaýlyq saqtaý ministrliginiń resmi ókili Baǵdat Qojahmetov aýrýhanalardaǵy jaǵdai boiynsha aityp berdi, dep habarlaidy "Ult aqparat".
«Karantinniń 5 aptasynda, osy shilde aiynyń basynan beri aýrýhanalardaǵy oryndar 60 paiyzǵa bosady. Onyń ishinde jansaqtaý saqtaý bólimindegi oryndar 58 paiyzǵa deiin bosap otyr. Jedel járdemge habarlasý aitarlyqtai azaidy, KVI boiynsha 68 paiyzǵa tómendedi. Qabyldanǵan keshendi sharalardyń nátijesinde jazylyp shyqqan naýqastardyń sany 73 paiyzǵa ósti», - dedi resmi ókil Ortalyq kommýnikatsiialar qyzmetinde.
Budan bólek ol basqa aýralardan bolatyn ólim-jitim jaǵdaiy boiynsha málimetterdi aitty.
«Jalpy, Qazaqstanda aýrý túrleri men ólim-jitim kórsetkishi byltyrǵy jylmen salystyrǵanda oń nátijeli bolyp otyr. Qýanyshtysy - bala týý kórsetkishiniń ósimi de baiqalyp otyr jáne kerisinshi, nárestelerdiń ólimi 13,3 paiyzǵa tómendegen. Taǵy bir jaǵymdy jańalyq, Qazaqstanda týberkýlezdan bolatyn ólim 20 paiyzǵa deiin azaiǵan», - dedi Baǵdat Qojahmetov.
