Meditsina qyzmetkerleri eki jasar tastandy balaǵa táýlik boiy erekshe qamqorlyq kórsetedi. Bul týraly Almaty qalalyq №2 balalar aýrýhanasynyń qyzmetkeri aitty, - dep habarlaidy Tengrinews.kz tilshisi.
Balanyń ákesi meditsinalyq mekeme qyzmetkerlerine bala 2020 jyldyń 17 shildesinde dúniege kelgenin aitqan.
"Áńgime barysynda olardyń turǵylyqty jeri joq ekeni jáne bala týǵannan bastap qujaty jasalmaǵany belgili boldy. Sondyqtan balanyń quqyqtary men múddelerin qorǵaý maqsatynda bizdiń aýrýhanaǵa jatqyzyldy. Sebebi tastandy bolsa, úsh jasqa deiingi balalar qalanyń barlyq aýdanynan №2 balalar aýrýhanasyna jetkiziledi. Bul bala táýlik boiy meditsinalyq qyzmetkerler men dárigerlerdiń erekshe baqylaýynda jáne qamqorlyǵynda", - dedi aýrýhana qyzmetkeri.
Sondai-aq, áleýmettik jelide jazba avtory Aidana Allajarqyzy zańdy buzyp, balanyń sýretin jariialaǵany aityldy.
"Aidana Allajarqyzynyń áreketi, iaǵni eki jasar balany videoǵa túsirip, áleýmettik jelilerde jariialaýy balanyń ar-namysy men jeke ómirine qol suǵý retinde sanalady", - dedi aýrýhana qyzmetkeri.
Buǵan deiin qyrkúiekten bastap Almaty aýrýhanalarynyń birinde eki jasar bala jatqany habarlandy. Balanyń ata-anasy áli kúnge deiin balany aýrýhanadan alyp ketpegen.
