Foto: hse.ru
QMA Túrkistan oblysy boiynsha departamenti meditsinalyq jabdyqtardy satyp alý kezinde biýdjet qarajatyn jymqyrý faktisi boiynsha tergeý júrgizip jatyr, dep habarlaidy Ult.kz.
Qazyǵurt aýdandyq ortalyq aýrýhanasynyń burynǵy bas dárigeri meditsinalyq gazben jabdyqtaý júiesine arnalǵan qurylǵylardy satyp alý kezinde zańsyz shema uiymdastyrǵany anyqtaldy. Tergeý málimetteri boiynsha, ol satyp alýdy jasandy túrde birneshe bólikke bólip, keiin kóptegen kelisimsharttar jasaý arqyly memlekettik qarajatty jymqyrýǵa jaǵdai jasaǵan.
Shemany iske asyrý úshin kúdikti meditsinalyq jabdyqtardy jetkizý salasynda tájiribesi bar tanysyn tartqan. Ol ózine baǵynysty, týystary men tanystarynyń atyna tirkelgen kommertsiialyq uiymdardy paidalanǵan. Osy firmalar atynan baǵasy negizsiz kóterilgen kommertsiialyq usynystar ázirlengen.
Tergeý derekterine sáikes, jabdyqty is júzinde basqa kompaniia jetkizgenimen, barlyq qabyldaý aktileri men kelisimsharttar kúdiktiler baqylaýyndaǵy firmalar arqyly rásimdelgen. Aýrýhana qarajaty atalǵan kompaniialardyń esepshottaryna túskennen keiin kúdiktiler qarajatty qolma-qol aqshaǵa ainaldyryp, ózara bólisken.
"Memleketke keltirilgen shyǵyn 115 mln teńgeni qurady. Qylmystyq jolmen alynǵan tabysty jasyrý maqsatynda burynǵy bas dáriger elordadan eki bólmeli páter satyp alǵan. Sot sanktsiiasymen atalǵan múlikke tyiym salyndy. Qazirgi tańda burynǵy bas dárigerge qatysty bultartpaý sharasy retinde kepil qoldanylsa, onyń sybailasy úi qamaqqa alynǵan. Qylmystyq-protsessýaldyq kodekstiń 201-babyna sáikes ózge aqparat jariia etýge jatpaidy", delingen habarlamada.
