فوتو: hse.ru
قما تٷركٸستان وبلىسى بويىنشا دەپارتامەنتٸ مەديتسينالىق جابدىقتاردى ساتىپ الۋ كەزٸندە بيۋدجەت قاراجاتىن جىمقىرۋ فاكتٸسٸ بويىنشا تەرگەۋ جٷرگٸزٸپ جاتىر, دەپ حابارلايدى Ult.kz.
قازىعۇرت اۋداندىق ورتالىق اۋرۋحاناسىنىڭ بۇرىنعى باس دەرٸگەرٸ مەديتسينالىق گازبەن جابدىقتاۋ جٷيەسٸنە ارنالعان قۇرىلعىلاردى ساتىپ الۋ كەزٸندە زاڭسىز سحەما ۇيىمداستىرعانى انىقتالدى. تەرگەۋ مەلٸمەتتەرٸ بويىنشا, ول ساتىپ الۋدى جاساندى تٷردە بٸرنەشە بٶلٸككە بٶلٸپ, كەيٸن كٶپتەگەن كەلٸسٸمشارتتار جاساۋ ارقىلى مەملەكەتتٸك قاراجاتتى جىمقىرۋعا جاعداي جاساعان.
سحەمانى ٸسكە اسىرۋ ٷشٸن كٷدٸكتٸ مەديتسينالىق جابدىقتاردى جەتكٸزۋ سالاسىندا تەجٸريبەسٸ بار تانىسىن تارتقان. ول ٶزٸنە باعىنىستى, تۋىستارى مەن تانىستارىنىڭ اتىنا تٸركەلگەن كوممەرتسييالىق ۇيىمداردى پايدالانعان. وسى فيرمالار اتىنان باعاسى نەگٸزسٸز كٶتەرٸلگەن كوممەرتسييالىق ۇسىنىستار ەزٸرلەنگەن.
تەرگەۋ دەرەكتەرٸنە سەيكەس, جابدىقتى ٸس جٷزٸندە باسقا كومپانييا جەتكٸزگەنٸمەن, بارلىق قابىلداۋ اكتٸلەرٸ مەن كەلٸسٸمشارتتار كٷدٸكتٸلەر باقىلاۋىنداعى فيرمالار ارقىلى رەسٸمدەلگەن. اۋرۋحانا قاراجاتى اتالعان كومپانييالاردىڭ ەسەپشوتتارىنا تٷسكەننەن كەيٸن كٷدٸكتٸلەر قاراجاتتى قولما-قول اقشاعا اينالدىرىپ, ٶزارا بٶلٸسكەن.
"مەملەكەتكە كەلتٸرٸلگەن شىعىن 115 ملن تەڭگەنٸ قۇرادى. قىلمىستىق جولمەن الىنعان تابىستى جاسىرۋ ماقساتىندا بۇرىنعى باس دەرٸگەر ەلوردادان ەكٸ بٶلمەلٸ پەتەر ساتىپ العان. سوت سانكتسيياسىمەن اتالعان مٷلٸككە تىيىم سالىندى. قازٸرگٸ تاڭدا بۇرىنعى باس دەرٸگەرگە قاتىستى بۇلتارتپاۋ شاراسى رەتٸندە كەپٸل قولدانىلسا, ونىڭ سىبايلاسى ٷي قاماققا الىنعان. قىلمىستىق-پروتسەسسۋالدىق كودەكستٸڭ 201-بابىنا سەيكەس ٶزگە اقپارات جارييا ەتۋگە جاتپايدى", دەلٸنگەن حابارلامادا.
