Joldaýda Prezident Qasym-Jomart Toqaev el úshin de, halyq úshin de mańyzdy saiasi bastamalar usynǵan bolatyn. Atap aitsaq, prezidenttikke bir ret qana sailana alýy men 7 jyldyq merzimniń belgilenýi. Eliniń janashyr azamaty retinde Memleket basshysynyń bastamalaryn, ideialaryn tolyqtai qoldaimyn.
Óitkeni 7 jyldyq birrettik prezidenttik – álemde áli asa keń taralmaǵan tájiribe. Elimiz úshin bul jańa serpin beredi. Sebebi, prezidenttikke 7 jylǵa sailanǵan úmitker, bilikke belgilengen merzimde ǵana joba-josparlaryn, maqsattaryn júzege asyra alatynyn jaqsy biledi. Sol sebepti de, saiasi reformalaryn tolyqtai oryndalýyn baqylaidy. Onyń ústine, bir adamnyń qolynda uzaq, sheksiz bilik bolmaidy. Sonymen birge, aýqymdy baǵdarlamany júzege asyrý úshin 7 jyl jetkilikti dep esepteimin. Mundai qadam – el damýynyń qarqynyn arttyrý úshin de mańyzdy. Elimniń qamyn, jurtynyń áleýetin jaqsartý maqsatynda istelip jatqan igi bastamalardy halyq ta qoldaidy dep oilaimyn.
Dosymjan Tańatarov,
Qazaqstannyń Eńbek sińirgen ártisi, ánshi
