Aýǵan shekara áskerleriniń qarýly jasaq jaýyngerleri Ózbekstan aýmaǵyna ótti, dep habarlaidy "Ult aqparat" Ózbekstan Syrtqy ister ministrligine silteme jasap.
Búgin Ózbekstan Syrtqy ister ministrligi Aýǵanstannyń áskeri toptyń shekarany zańsyz kesip ótkeni týraly málimdeme jasady.
«2021 jyldyń 23 maýsymynda Aýǵanstan shekara áskerleriniń 53 áskeri qyzmeteri men jergilikti jasaq jaýyngerleri Shortep ýezi aýmaǵynda Ózbekstan aýmaǵyna ótti. Qajetti anyqtaý rásimderi men tergeý is-áreketteri júrgizilgennen keiin atalǵan aýǵan azamattary keri qaitaryldy. Ózbekstan aýmaǵyna zańsyz kirýge shekteý qoiylyp, shekarany buzýshylarǵa qatysty qatań sharalar qabyldanady», – delingen habarlamada.
Syrtqy ister ministrligi Ózbekstannyń Aýǵanstanmen dástúrli dostyq jáne tatý kórshilik qarym-qatynastaryn qoldaýǵa, beitaraptyqty saqtaýǵa jáne kórshi eldiń ishki isine aralaspaýǵa shaqyrdy.
«Kórshi eldegi jaǵdaidyń ýshyǵýy alańdaýshylyq týdyrady. Koronavirýs pandemiiasynyń jańa tolqyny jaǵdaiynda shielenistiń kúsheiýi aýǵan halqynyń ómirin qiyndatady. Janjalǵa tartylǵan barlyq tarapty kúsh qoldanýdan bas tartýǵa jáne beibit turǵyndarǵa zardap tigizbeýge shaqyramyz», – delingen Ózbekstan Respýblikasynyń Syrtqy ister ministrliginiń habarlamasynda.
