"Taliban" eldi basyp alar aldynda AQSh-qa ketken Aýǵanstannyń burynǵy qarjy ministri Halid Paienda Vashingtonda taksi júrgizýshisi bolyp júr. Bul týraly The Washington Post basylymy jariialady, - dep habarlaidy Tengrinews.kz tilshisi InoTV arnasyna silteme jasap.
40 jastaǵy ministr 1 jyl buryn ǵana AQSh-tyń óz eline bergen 6 milliard dollaryn qadaǵalaǵan edi. Endi az aqshaǵa qosymsha jumys isteýge májbúr. Jańa jumys onyń otbasyn - áieli men tórt balasyn asyraý úshin qajet, dep jazdy basylym.
Sheneýnik jaqynda bergen suhbatynda Kabýldan Vashingtonǵa kóshý ol úshin óte qiyn bolǵanyn moiyndady. Dál qazir otbasyn asyraý múmkindigi baryna riza ekenin, biraq: "Qazir meniń turaqty ornym joq. Men ózimdi munda da ol jaqta da elestete almaimyn. Bul óte qiyn", - dedi.
Paiendanyń pikirinshe, Amerikanyń Aýǵanstandaǵy saiasaty bastapqyda "izgi niet" bolǵanymen, jetkilikti jáne turaqty emes edi. Ol AQSh-ty "demokratiia men adam quqyqtaryna opasyzdyq jasady" dep aiyptady.
Paienda qarjy ministri qyzmetinen tálipter Kabýldy basyp alǵanǵa deiin bir apta buryn ketken. El prezidenti Ashraf Ǵanimen qarym-qatynasy nasharlaǵannan keiin qamalýdan qorqyp Amerika Qurama Shtattaryna ketkenin aitady.
"Halyq igiligi úshin jumys isteitin júieni qurýǵa bizde 20 jyl men búkil álemniń qoldaýy boldy", - dep jazdy Paienda Aýǵanstan astanasy qulaǵan kúni.
