Tanymal prodiýser Baian Maqsatqyzy áleýmettik jelide qyzý talqyǵa túsken qariianyń toida aitqan sózine qatysty óz kózqarasyn jariialady, dep habarlaidy ult.kz.
Prodiýser mundai málimdemelerdiń qoǵamda oryn almaýy tiis ekenin aityp, ony aitqan adam zań aiasynda jaýapqa tartylady degen úmitin jetkizdi.
«Bul adamdy jaýapkershilikke tartady dep úmittenemin. Kelesi joly osyndai adamdardyń qolynan mikrofondy tartyp alyp, aryraq qýyp jiberý kerek. Senderge, dini fanattarǵa, qansha ret aitý kerek? Biz zaiyrly memlekette ómir súrip jatyrmyz jáne senderdiń eski dini kózqarastaryńdy taratýǵa jol bermeimiz. Aýǵanstanǵa ketińder, ol jaqta shariǵat zańymen ómir súredi», – dep jazdy Baian Maqsatqyzy.
Eske salaiyq, sońǵy kúnderi áleýmettik jelilerde er adamnyń toi ústinde áielder men óner adamdaryna qatysty aitqan pikiri keńinen tarap, qoǵamda qyzý pikirtalas týdyrǵan bolatyn. Ol áielderdi urǵashyǵa teńep, toila erler men áielder bólek-bólek otyrý keregin aitqan.
