Aýǵanstannyń shyǵysyndaǵy Nangarhar provintsiiasynyń ákimshilik ortalyǵy Jalalabad qalasynyń túrmesine shabýyl jasalyp, saldarynan kem degende 20 adam qaza tapty. Bul týraly 1TV telearnasy habarlady.
Buǵan deiin TOLOnews telearnasy oqiǵa saldarynan bes adamnyń mert taýyp, 42 adamnyń zardap shekken týraly habarlaǵan bolatyn.
1TV arnasynyń málimetinshe, jankeshti Jalalabadtaǵy túrmeniń qasynda turǵan avtomobildi jaryp jiberdi. TOLOnews-tiń oqiǵanyń izi sýymai habarlaýynsha, sodyrlar jarylysty paidalanyp, ǵimarattyń ishine kirip ketken.
Qaqtyǵystar dúisenbiniń tańyna deiin jalǵasty, shabýyl jasaǵan bes sodyr óltirildi. Ataýy belgisiz taǵy bir aqparat kóziniń málimetinshe, shabýyl kezinde túzeý mekemesinen qashyp ketpek bolǵan 700 sottalýshy ustalǵan.
