Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Dáriger uzaq ómir súrýdiń el bilmeitin taǵy bir qupiiasyn ashty Dáriger uzaq ómir súrýdiń el bilmeitin taǵy bir qupiiasyn ashty
Saiasat

Aýǵanstan máselesi: ShYU memleketteri ministrleriniń Birlesken málimdemesi qabyldandy

Ult portaly
Aýǵanstan máselesi: ShYU memleketteri ministrleriniń Birlesken málimdemesi qabyldandy


QR Premer-Ministriniń orynbasary – Syrtqy ister ministri Muhtar Tileýberdi Tájikstan Respýblikasynyń tóraǵalyǵymen ótken Shanhai yntymaqtastyq uiymyna múshe memleketterdiń Syrtqy ister ministrleri keńesiniń (ShYU SIMK) kezekti otyrysyna qatysty. Bul týraly Syrtqys ister ministrligi  habarlady.

Otyrys aldynda ShYU elderiniń Syrtqy ister ministrlerin Tájikstan Respýblikasynyń Prezidenti Emomali Rahmon qabyldady. 

SIMK barysynda ShYU elderiniń syrtqy saiasi vedomstvolarynyń basshylary uiymnyń 20 jyl ishindegi qyzmetin qorytyndylap, halyqaralyq jáne óńirlik kún tártibindegi eń ózekti máselelerdi talqylady. ShYU qyzmetin odan ári damytýdyń birinshi kezektegi mindetteri jáne uiymnyń basqa da kópjaqty qurylymdarmen ózara is-qimyl jasaý máseleleri qaraldy.

Óz sózinde Ministr M.Tileýberdi ShYU-nyń halyqaralyq qaýipsizdik pen óńirlik yntymaqtastyqty nyǵaitýdaǵy róli men mańyzyn atap ótti. «Uiymnyń basqa múshelerimen birge Qazaqstan uiymnyń zor áleýetin tolyqqandy iske asyrýǵa óziniń turaqty túrde laiyqty úlesin qosýǵa umtylýda», - dedi Qazaqstan SIM basshysy.

Úndistan, Qazaqstan, Qytai, Qyrǵyzstan, Pákistan, Resei, Tájikstan jáne Ózbekstan Syrtqy ister ministrleri 2021 jylǵy qyrkúiekte Dýshanbede ótetin ShYU-ǵa múshe memleketter basshylary Keńesiniń otyrysyna daiyndyq barysyn maquldap, sondai-aq Dýshanbe deklaratsiiasy jáne mereitoilyq sammittiń basqa da qorytyndy sheshimderiniń jobalaryn bekitti.

Otyrys qorytyndysy boiynsha ShYU syrtqy ister ministrleriniń aqparattyq habarlamasy qabyldandy.

Sol kúni Syrtqy ister ministrleri deńgeiinde «ShYU – Aýǵanstan» Bailanys tobynyń otyrysy ótti, onyń barysynda qatysýshylar AIR-daǵy aǵymdaǵy áskeri-saiasi jaǵdaidy jáne ShYU-nyń Aýǵanstanmen odan ári yntymaqtastyq máselelerin talqylady. 

Bailanys tobynyń Aýǵanstanmen kezdesý qorytyndysy boiynsha ShYU múshe memleketteri syrtqy ister ministrleriniń Birlesken málimdemesi qabyldandy.

Is-shara aiasynda M.Tileýberdi Pákistan Syrtqy ister ministri Mahmýd Kýreshimen ekijaqty kelissózder júrgizdi. Taraptar ekijaqty yntymaqtastyq pen óńirlik yntymaqtastyqty nyǵaitý máselelerin talqylady.





Oqi otyryńyz