Aýǵan daǵdarysy shekaralas memleketterdegi terroristik qaterdi jáne esirtkiniń zańsyz ainalymy problemasyn shielenistirip, buryn-sońdy bolmaǵan deńgeige jetti. Bul týraly Resei Federatsiiasynyń Syrtqy ister ministri Sergei Lavrov «Ortalyq jáne Ońtústik Aziia: aimaqtyq ózara bailanys. Syn-qaterler men múmkindikter» atty halyqaralyq konferentsiianyń plenarlyq otyrysynda aitty, dep habarlaidy QazAqparat.
Onyń aitýynsha, Aýǵanstandaǵy jaǵdai ýshyǵyp, qazirgi jaǵdaida kórshiles memleketterge salqynyn tigizýi múmkin.
«AQSh pen NATO kontingentteriniń asyǵys shyǵarylýyna bailanysty osy eldegi jáne onyń ainalasyndaǵy áskeri-saiasi jaǵdaidyń damýyndaǵy belgisizdik kúrt ósti. Aýǵan daǵdarysy shekaralas memleketterdegi terroristik qaterdi jáne buryn-sońdy bolmaǵan deńgeige jetken esirtkiniń zańsyz ainalymy problemasyn shielenistiredi», – dedi Lavrov.
Resei SIM basshysy Aýǵan qaqtyǵysyn beibit jolmen rettegennen keiin ǵana Aýǵanstandy óńirlik yntymaqtastyqqa tolyqqandy tartý múmkin bolatynyn aitty.
«Ortalyq jáne Ońtústik Aziiany bailanystyratyn kóliktik-logistikalyq jáne energetikalyq jobalardy ilgeriletý josparlary qaýipsizdik jaǵdaiyn tolyq kólemde eskerýi tiis. Tek aýǵanishilik janjaldy jan-jaqty rettegende ǵana Kabýldyń qatysýymen ekonomikany qosa alǵanda, barlyq bastamalardy tabysty júzege asyrýǵa bolady», – dedi Lavrov.
Esterińizge sala keteiik, 15-16 shildede Tashkentte «Ortalyq jáne Ońtústik Aziia: aimaqtyq ózara bailanys. Syn-qaterler men múmkindikter» atty halyqaralyq konferentsiia ótip jatyr. Oǵan Ózbekstan prezidenti Sh. Mirzieev, Aýǵanstan prezidenti Ashraf Ǵani, Pákistannyń premer-ministri Imran Han, Eýrokomissiianyń vitse-prezidenti Jozep Borrel, Ortalyq Aziia, RF, Úndistan, Qytai elderiniń Syrtqy ister basshylary qatysýda.
