M.Áýezov atyndaǵy Qazaq Memlekettik akademiialyq drama teatry 1-8 qazan aralyǵynda Ulybritaniianyń astanasy London qalasynda ótetin III Qazaqstan óneriniń festivaline D.Isabekovtiń «Jaýjúrek» dramasymen qatysady. Qoiylymnyń rejisseri – Qazaqstannyń halyq artisi, professor Esmuhan Obaev.
Qazaqtyń balýany, ánshi-kompozitor, seri, halyq arasynda Balýan Sholaq atanǵan Nurmaǵanbet Baimyrzaulynyń ómirinen syr shertetin qoiylymdy teatr ujymy 1 qazan kúni Stokýell teatrynyń sahnasynda jinalǵan kórermenge usynady.
Londonda ótetin bul festival belgili qazaq jazýshysy, dramatýrg Dýlat Isabekovtiń 75 jyldyǵyna orai uiymdastyrylyp otyr. Biyl úshinshi márte ótkiziletin festivaldiń uiymdastyrýshysy – Londondaǵy Aitmatov akademiiasy. 2011 jyly London qalasynda professor, filosofiia ǵylymdarynyń doktory Rahima Abdývalieva negizin qalaǵan Aitmatov akademiiasy – jazýshy Shyńǵys Tóreqululynyń shyǵarmalaryn álem tilderine aýdarýmen jáne uly jazýshy qaldyrǵan mol murany dáripteýmen ainalysady.
Kúresker, kózi ashyq, kókiregi oiaý tulǵa Balýan Sholaqtyń sahnalyq beinesin osy qarashańyraqtyń sahna sheberi Erlan Bilál somdaidy.
Kórermenniń ystyq yqylasy men qoshemetine ie bolǵan qoiylym, Ý.Shekspirdiń Otanynda da laiyqty baǵalanady degen senimdemiz.
