Búgin tanymal jazýshy, aqyn, mádeniettanýshy, kósemsózshi, aýdarmashy Áýezhan Ábdiramanuly Qodar dúnieden ótti. Ol — 1958 jyly Qyzylorda oblysy Qarmaqshy aýdany Abyla aýylynda dúniege kelgen.
Áýezhan Ábdiramanuly Qodar, jazýshy, mádeniettanýshy, kósemsózshi, filosofiia ǵylymdarynyń kandidaty, «Ekologiia» Qazaqstan Halyq Akademiiasynyń akademigi, halyqaralyq «Alash» jáne N.V. Gogol atyndaǵy «Triýmf» syilyqtarynyń iegeri. 1988 jyly SSSR Jazýshylar Odaǵyna múshe bolyp qabyldanǵan. 1989 -1996 jyldary Qazaqstan Jazýshylar Odaǵy janyndaǵy kórkem aýdarma jáne ádebi bailanys jónindegi Bas redaktsiialyq kollegiianyń redaktory qyzmetin atqarǵan. 1994 jyldan beri «Altyn ǵasyr» Qazaqstan halyqtary mádenietin qorǵaý jónindegi odaqtastyqtyń prezidenti. 1999 jyldan «Tamyr» jýrnalynyń negizin qalaýshysy jáne bas redaktory. 1999 — 2001 jyldary «Soros-Qazaqstan» halyqaralyq qorynyń Basqarma múshesi. 2002 jyldyń jeltoqsanynan Qazaqstan Respýblikasy Prezidenti janyndaǵy BAQ jónindegi keńestiń múshesi. 2006 jyldan «Eýraziialyq zertteýler institýty» Resei-Qazaqstan qory bas direktorynyń keńesshisi. 2006 jyldyń mamyrynan – Mádeni saiasat jáne ónertaný institýtynyń direktory. «Parasat» ordenimen marapattalǵan.
Qazaq tilinde Áýezhan Qodardyń eki kitaby shyqqan: «Qanaǵat qaǵanaty» (1994), jáne «Oralý» (2006), orys tilinde shyqqandary: «Krylatyi ýzor» (1990), «Abai (Ibragim) Kýnanbaev (1996), «Krýgi zabveniia» (1998), «Ocherki po istorii kazahskoi literatýry» (1999), «Stepnoe znanie: ocherki po kýltýrologii» (2002), «Zov bytiia» (2006) jáne qazaq poeziiasynyń bes ǵasyryn qamtyǵan «Antologiia kazahskoi poezii v perevodah Aýezhana Kodara» (2006); aǵylshyn tiline aýdarylǵany — «Tsvety rýin» (2004). Óleńderi aǵylshyn, káris, ýakrain tilderine aýdarylǵan.
Áýezhan Qodar qazaq jáne orys tilderinde jazatyn bilingvalist jáne ulttyq klassikanyń aýdarmashysy retinde tanymal. Orys tiline ortaǵasyrlyq jyraýlardyń poeziiasyn, Abaidyń, Maǵjannyń, Jumatai Jaqypbaevtyń shyǵarmalaryn aýdarǵan. Qazaq tiline E.Zamiatinnyń «Atilla» dramasyn, M. Haideggerdiń, J. Delezdiń, H.Ortega-i-Gassettiń jáne «Batys filosofiiasy antologiiasy» jinaǵyna kirgen ózge shet el filosoftaryn aýdarǵan (2002). Qazaq tilinde shyqqan «Mádeniettaný sózdiginiń» (2001) avtorlarynyń biri. «Mádeni mura» memlekettik baǵdarlamasynyń aiasynda qazaq tiline álemdik mádeni tanymnyń eki tomyn aýdarǵan.
Ult.kz aqparattyq-agenttigi Áýezhan Qodardyń dúnieden ozýyna bailanysty marqumnyń otbasy men týǵan-týystaryna kóńil aitady.
