Almatyda taksi júrgizýshisi úndistandyq týristerden áýejaidan qalaǵa deiin jetkizgeni úshin 150 dollar alyp, keiin zańsyz alynǵan qarajat politsiianyń aralasýymen tolyq qaitaryldy, dep habarlaidy ult.kz.
Qalalyq politsiianyń málimetinshe, júrgizýshi sheteldik qonaqtardy áýejaidan qalaǵa jetkizgennen keiin jolaqy retinde 150 dollar talap etken. Buǵan kelispegen týrister politsiiadan kómek suraǵan.
Tekserý barysynda tártip saqshylary júrgizýshiniń jeke basyn jedel anyqtap, týristerden zańsyz alynǵan aqshany tolyq kólemde qaitaryp bergen.
Atalǵan derek boiynsha júrgizýshige qatysty ákimshilik materialdar rásimdelip, is zańdy sheshim qabyldaý úshin mamandandyrylǵan aýdanaralyq ákimshilik quqyq buzýshylyqtar jónindegi sotqa joldandy.
Almaty politsiiasy jolaýshylardy, ásirese qala qonaqtaryn aldap, zańsyz paida tabýǵa baǵyttalǵan kez kelgen áreket zań aiasynda qatań jaýapkershilikke tartylatynyn eskertti.
