Qazaqstanda kiikterdi aýlaý protsesi men tetikteri ázirlenetin bolady. Bul týraly EGTRM Orman sharýashylyǵy jáne janýarlar dúniesi komitetiniń tóraǵasy Nurlan Qylyshbaev aitty, dep habarlaidy QazAqparat.
«Búginde Zoologiia institýtynyń usynysyn eskere otyryp, kiik aýlaý tetikterin anyqtaý jónindegi jumys toby qurylyp jatyr. Halyqty kiik sanyn retteýge nemese sizder aitqandai atýǵa jiberý kózdelip otyrǵan joq. Bul brakonerliktiń, baqylaýsyz ańshylyqtyń artyp ketý táýekelin boldyrmaý úshin jasalady», - dedi ol elordada ótken «Kiik popýliatsiiasy sanyn retteý» taqyrybyndaǵy dóńgelek ústel barysynda BAQ ókilderiniń saýalyna orai.
Sonymen qatar komitet tóraǵasy Zoologiia institýtynyń usynysyna sáikes, kiik aýlaýǵa moratorii merzimin uzartý usynylyp otyrǵandyǵyn aitty.
Al dóńgelek ústel otyrysy barysynda Zoologiia institýtynyń zerthana meńgerýshisi Aleksei Grachev kiikterdi aýlaýǵa qoldanystaǵy tyiymdy 2025 jylǵa deiin uzartýdy usyndy. Degenmen, ol biyl synaq retinde kiikter sanyn retteýdi ókiletti organnyń mamandandyrylǵan uiymyna júkteý qajet ekendigin alǵa artty.
