FlyJet.kz áýekompaniiasy Qairat Satybaldyulyna jeke ushaq bermegenin habarlady, - dep habarlaidy Tengrinews.kz tilshisi.
Buǵan deiin áleýmettik jelilerde FlyJet.kz áýekompaniiasy Qairat Satybaldyulyna jeke bort berdi degen aqparat paida bolǵan edi. Sondai-aq, kásipker Almatydan Túrkiiaǵa jeke ushaqpen ushyp ketpek bolǵan jerinde ustalǵany habarlandy.
FlyJet.kz kompaniiasy bul aqparatty joqqa shyǵardy. Kompaniia ókiliniń aitýynsha, olar ushaqtaryn Qairat Satybaldyulyna bermegen.
"Eger sizderdi qyzyqtyratyn bolsa, Flightradar24 servisinen bort nómir boiynsha qarai alasyz. Bul bizdiń kompaniia emes. Aqparat shyndyqqa janaspaidy. Ushaqtarymyzdy bul adam paidalanbaiy", - dedi kompaniianyń kommertsiialyq direktory Oleg Shemiakin.
Eske salaiyq, buǵan deiin qylmys jasady degen kúdikpen Qairat Satybaldyuly ustalyp, ýaqytsha ustaý izoliatoryna qamalǵany habarlanǵan bolatyn.
