QR Kóliktegi bas memlekettik sanitar dáriger Sadýaqas Baiǵabylov halyqaralyq áýe reisterine qosymsha engiziletin karantindik shekteýlerge qatysty túsinikteme berdi, dep habarlaidy "Ult aqparat".
«Osy jyldyń 26 qazanynan bastap Qazaqstanǵa halyqaralyq áýe reisterimen keletin barlyq jolaýshylarda, onyń ishinde Qazaqstan azamattarynda memlekettik shekarany kesip ótkenge deiin 72 saǵattan artyq emes ýaqytta PTR ádisimen COVID-19-ǵa arnalǵan test ótkeni týraly anyqtama bolýy kerek. Aita keterligi, 5 jasqa deiingi balalar PTR saraptama anyqtamasynan bosatylady. Osyǵan orai shetelge baryp kelýdi josparlanǵan nemese qazirgi ýaqytta shetelde júrgen qazaqstandyqtar osy talapty eskerýi qajet», - dedi Sadýaqas Baiǵabylov.
