قر كٶلٸكتەگٸ باس مەملەكەتتٸك سانيتار دەرٸگەر سادۋاقاس بايعابىلوۆ حالىقارالىق ەۋە رەيستەرٸنە قوسىمشا ەنگٸزٸلەتٸن كارانتيندٸك شەكتەۋلەرگە قاتىستى تٷسٸنٸكتەمە بەردٸ, دەپ حابارلايدى "ۇلت اقپارات".
«وسى جىلدىڭ 26 قازانىنان باستاپ قازاقستانعا حالىقارالىق ەۋە رەيستەرٸمەن كەلەتٸن بارلىق جولاۋشىلاردا, ونىڭ ٸشٸندە قازاقستان ازاماتتارىندا مەملەكەتتٸك شەكارانى كەسٸپ ٶتكەنگە دەيٸن 72 ساعاتتان ارتىق ەمەس ۋاقىتتا پتر ەدٸسٸمەن COVID-19-عا ارنالعان تەست ٶتكەنٸ تۋرالى انىقتاما بولۋى كەرەك. ايتا كەتەرلٸگٸ, 5 جاسقا دەيٸنگٸ بالالار پتر ساراپتاما انىقتاماسىنان بوساتىلادى. وسىعان وراي شەتەلگە بارىپ كەلۋدٸ جوسپارلانعان نەمەسە قازٸرگٸ ۋاقىتتا شەتەلدە جٷرگەن قازاقستاندىقتار وسى تالاپتى ەسكەرۋٸ قاجەت», - دەدٸ سادۋاقاس بايعابىلوۆ.
