Foto: pixabay.com
Májilis depýtaty Murat Ábenov avia biletterdiń baǵasynyń ósýine Energetika ministrligin kinálady. Aitýynsha, ministrlik otynǵa tapshylyqty qoldan jasap otyr, dep habarlaidy «Ult aqparat» Stan.kz-ke silteme jasap.
Murat Ábenov búginde áýe biletterdiń baǵasy kópshiliktiń narazylyǵyn týdyryp jatqanyn alǵa tartty.
"Kóbine barlyq shaǵymymyzdy aviakompaniialarǵa aitamyz. Biraq is júzinde kinálilerdiń biri – Energetika ministrligi men "QazMunaiGaz". Ózbekstanda bul 200 dollarǵa arzan. Álemde otyn baǵasy, onyń ishinde TMD-da 300 myń teńge. Bul monopoliialyq jaǵdai. "QazMunaiGaz" joǵary baǵany ustap turýǵa májbúr etedi. Ekinshi, óndiris boiynsha ózimiz 600 óndiremiz, Reseiden 200 satyp alamyz. Monopoliialyq jelini qurýdaǵy tiimsizdigińizdiń arqasynda siz qoldan tapshylyq jasap otyrsyz. Búginde baǵa joǵary jáne ony tómendetý múmkindigi joq. Óitkeni bilet baǵasynyń 30% -y janarmaidyń baǵasy", - dedi Murat Ábenov.
Energetika ministri Almasadam Sátqaliev ishki naryqta tapshylyq baiqalatynyn rastap depýtatqa jaýap berdi.
"Ishki naryqtaǵy tapshylyq boiynsha indikativti balansta 500 myń bar. Ol úlestirý júrip jatqan kezde qosylady. Iaǵni, úkimettiń sheshimine sáikes operator belgilendi. Siz naryqty monopoliialadyńyz dep aitap otyrsyz. alaida elimizde "Qazmunaigazdan" basqa otyndy eshkim óndirmeidi. Iaǵni shartty túrde munai óńdeý zaýyttary joq", - dep jaýap berdi Sátqaliev.
Sondai-aq, ol baǵanyń ósýine jol bermeý úshin biryńǵai operator - "QazMunaiGaz Aero" qurylǵanyn atap ótti.
"Baǵanyń ósýine, básekelestikke jatpaityn minez-qulyqqa jol bermeý maqsatynda "QazMunaiGaz Aero" dep atalatyn monopoliiaǵa qarsy organdar tarapynan baqylanatyn biryńǵai operator quryldy. Ol belgilengen baǵalar boiynsha retteletin tek otandyq aviatasymaldaýshylar úshin kólik ministrliginiń sheshimine sáikes aviaotyn jetkizýdi júzege asyrady", - dep qosty Sátqaliev.
Sonymen qatar, energetika ministri Qytai men Túrikmenstannan aviaotyn importtaý múmkindigi qarastyrylyp jatqanyn aitty.
"Basqa halyqaralyq aviatasymaldaýshylar importtyq benzin, aviaotyn satyp alady. Import indikativti balansqa sáikes derbes nemese keibir kompaniialar arqyly, negizinen Reseiden júzege asyrylady. Biraq basqa balamalar bar. Biz Qytaidan, Túrkimenstannan importtaý múmkindigin qarastyramyz. Bul qyzmet kórsetýshilerdiń qalaýy boiynsha", - dep qorytyndylady Sátqaliev.
